គណៈប្រធានតំបន់អាស៊ីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយត្រូវបានរៀបចំជាថ្មីដោយមាន អែលឌើរ ដេវីត ភី ហូម៊ើរ ជាប្រធានតំបន់ថ្មី ដែលមានប្រសិទ្ធភាពនៅថ្ងៃទី ១ ខែ សីហា ឆ្នាំ ២០២១ ។
អែលឌើរ ហូមើរ ជំនួសប្រធានតំបន់មុនគឺប្រធាន ដាវីឌ អែហ្វ. អ៊ីវ៉ានស៍ និងភរិយារបស់លោក ស៊ីស្ទើរ ម៉ារី ដែលបានអញ្ជើញត្រឡប់ទៅសហរដ្ឋអាមេរិកវិញ ។ អែលឌើរ ភីធើរ អេហ្វ មើរស៍ នឹងបម្រើជាទីប្រឹក្សាទីមួយនៅក្នុងគណៈប្រធាននេះ ហើយ អែលឌើរ បេនយ៉ាមីន អិម ហ្ស៊ី តៃ ចូលរួមនៅក្នុងគណៈប្រធាននេះជាទីប្រឹក្សាទីពីរថ្មី ។
ក្នុងនាមជាអ្នកមានសិទ្ធិអំណាចទូទៅ ពួកចិតសិបនាក់ នៃសាសនាចក្រ អែលឌើរ ហូមើរ អែលឌើរ មើរស៍ និងអែលឌើរ តៃ ជាធម្មតានឹងត្រូវធ្វើដំណើរនៅគ្រប់តំបន់ អាស៊ី ដើម្បីពង្រឹង បំពាក់បំប៉ន និងលើកទឹកចិត្តដល់សមាជិកសាសនាចក្រ ថ្នាក់ដឹកនាំ និងពួកអ្នកផ្សព្វផ្សាយសាសនា ។ ស្ថិតនៅក្នុងបរិយាកាសដែលមានជំងឺកូវីដ គណៈប្រធាននេះចំណាយពេលរបស់ពួកលោកធ្វើការងារនេះតាមរយៈប្រព័ន្ធបច្ចេកវិទ្យា ។
គណៈប្រធានតំបន់អាស៊ីបានមានប្រសាសន៍ថា « នៅក្នុងពិភពលោកសព្វថ្ងៃនេះ មនុស្សជាច្រើនកំពុងស្វែងរកសេចក្តីសង្ឃឹម សេចក្តីសុខសាន្ត និងគោលបំណងក្នុងជីវិត ។ យើងដឹងថាការអភិវឌ្ឍន៍សេចក្តីជំនឿលើព្រះយេស៊ូវគ្រីស្ទ និងការធ្វើតាមទ្រង់ អាចបំពេញរឿងទាំងនោះបាន » ។
គណៈប្រធានគិតពិចារណាថាវាគឺជាអភ័យឯកសិទ្ធិដើម្បីមានទំនាក់ទំនងជាមួយសមាជិក ថ្នាក់ដឹកនាំ និងមិត្តភក្តិនៅក្នុងតំបន់អាស៊ីដែលមានទាំង ២២ ប្រទេស ឬតំបន់ ។
ពួកលោកបានមានប្រសាសន៍ថា « ពួកយើងស្រឡាញ់តំបន់អាស៊ី និងប្រជាជននៅទីនេះ ។ វាគឺជាឱកាសដ៏ពិសេសសម្រាប់យើងដើម្បីបម្រើជាមួយគ្នានៅក្នុងសមត្ថភាពដ៏ពិសេសនេះ ។ យើងទទួលបានអារម្មណ៍នៃសេចក្តីស្រឡាញ់ដ៏មហិមារបស់ព្រះចំពោះបុត្រាបុត្រីរបស់ទ្រង់ទាំងអស់ ហើយពួកយើងចង់ធ្វើផ្នែករបស់យើងដើម្បីជួយឲ្យសេចក្តីស្រឡាញ់នោះប្រទានពរជ័យដល់ជីវិតជាច្រើនទៀត » ។