ការកើនឡើងនៃភាពជាអ្នកដឹកនាំរបស់ស្រ្តីនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធក្រោយត្រូវបានឆ្លុះបញ្ចាំងឲ្យឃើញតាមរយៈការហៅបម្រើថ្មីមួយ–ក្រុមអ្នកប្រឹក្សាយោបល់ចំពោះអង្គការប្រចាំតំបន់–ដែលបានអនុម័តដោយគណៈប្រធានទីមួយនៅដើមឆ្នាំនេះនឹងត្រូវបានអនុវត្តនៅក្នុងតំបន់ជាអន្តរជាតិ ។ បងប្អូនស្រី ចំនួនប្រាំបីរូប ដែលទើបតែបានហៅនាពេលថ្មីៗនេះឲ្យធ្វើជាក្រុមអ្នកប្រឹក្សាយោបល់ដំបូងគេចំពោះអង្គការសម្រាប់តំបន់អាស៊ី ។
បងប្អូនស្រីទាំងនេះមាន ៖
- ក្លែ លីម មកពីសាខាឆេរ៉ាស ទីក្រុងកូឡា ឡាំពួរ ប្រទេសម៉ាឡេស៊ី ។ បងស្រី លីម បានទទួលបរិញ្ញាបត្រ និងបរិញ្ញាបត្រជាន់ខ្ពស់ផ្នែកកិច្ចការសង្គម ហើយឥឡូវនេះកំពុងបម្រើការជាជំនួយការប្រតិបត្តិ ។ ពីមុនមានការហៅបម្រើថ្មីនេះ គាត់បានបម្រើជាប្រធានសមាគមសង្រ្គោះ និងអង្គការបឋមសិក្សានៅក្នុងសាខារបស់គាត់ និងជាទីប្រឹក្សានៅក្នុងគណៈប្រធានអង្គការបឋមសិក្សាមណ្ឌល ។
- ឌីអានដ្រា ប្រាទីតា ឌី ម៉ុងហ្គិន មកពីវួដ បូហ្គូរ ទី១ ទីក្រុងហ្សាកាតា ប្រទេសឥណ្ឌូនេស៊ី ។ បងស្រី ម៉ុងហ្គិន គឺជានិស្សិតទើបបញ្ចប់ការសិក្សានាពេលថ្មីៗនេះពីសាកលវិទ្យាល័យ ប៊ី.វាយ.យូ.-ហាវ៉ៃ ជំនាញផ្នែកការសិក្សាការទំនាក់ទំនង ប្រព័ន្ធផ្សព្វផ្សាយ និងវប្បធម៌ ។ បច្ចុប្បន្ននេះគាត់កំពុងបម្រើការជាអ្នកជំនាញផ្នែកការងារ ។ នៅពេលបម្រើនៅក្នុងការហៅបម្រើរបស់គាត់ គាត់បានបម្រើជាអ្នកសម្របសម្រួលយុវមជ្ឈិមវ័យនៅលីវប្រចាំស្តេក និងជាគ្រូបង្រៀនសមាគមសង្គ្រោះ ។
- ជីវ៉ាឌី ឡាទីសូផុនគុល មកពីវួដ ស័រណាការិន្ទ ទីក្រុងបាងកក ប្រទេសថៃ ។ បងស្រី ឡាទីសូផុនគុលបានបញ្ចប់ការសិក្សាផ្នែកវិទ្យាសាស្រ្តនយោបាយមកពីសាកលវិទ្យាល័យរាមខេមហាំង និងមានកូនស្រីពីរនាក់ ។ ពីមុនធ្វើជាម្តាយពេញម៉ោង គាត់បានធ្វើជាអ្នកបម្រើការលើយន្តហោះឲ្យជើងហោះហើរ Thai Airways International ។ បងស្រី ឡាទីសូផុនគុល បានបម្រើក្នុងសមាសភាពខុសៗគ្នាសម្រាប់អង្គការបឋមសិក្សា ទាំងកម្រិតសាខា និងមណ្ឌល ។
- ហ៊ុយ-ឈីង អិមម៉ាលី វ៉ូ មកពីវួដ ស៊ីលីន តៃប៉ិ ប្រទេសតៃវ៉ាន់ ។ បងស្រី វ៉ូ បានបញ្ចប់ការសិក្សាកម្រិតបរិញ្ញាបត្រផ្នែករចនាក្រាហ្វិកមកពីប៊ី.វាយ.យូ. ហើយជាម្តាយដែលមានកូនបួននាក់ ។ គាត់បានមានឱកាសជាច្រើនដើម្បីបម្រើនៅក្នុងសាសនាចក្រ ។ ការហៅបម្រើពីមុនៗរបស់គាត់រួមមានទាំងប្រធានក្រុមយុវនារីស្តេក និងប្រធានសមាគមសង្រ្គោះវួដ ។ ឥឡូវនេះគាត់គឺជាគ្រូបង្រៀនថ្នាក់សិក្ខាសាលានៅក្នុងវួដរបស់គាត់ ហើយជាអ្នកផ្សព្វផ្សាយសាសនារៀមច្បងផ្នែកសេវាកម្មសម្រាប់បេសកកម្ម តៃប៉ិ តៃវ៉ាន់ ។
- ស៉ារ៉ា ស៊ូ-ហ៊ី វ៉ូ មកពីវួដ ណៅសុង កៅសុង ប្រទេសតៃវ៉ាន់ ។ បងស្រី វ៉ូ មានកូនប្រាំនាក់ និងចៅពីរនាក់ ។ គាត់បង្រៀនភាសាអង់គ្លេស ហើយជាអ្នកបកប្រែឲ្យសាសនាចក្រ ។ គាត់បានបម្រើជាប្រធានសមាគមសង្រ្គោះ និងប្រធានក្រុមយុវនារីនៅក្នុងស្តេករបស់គាត់ ហើយបានបង្រៀននៅក្នុងសាលាថ្ងៃអាទិត្យ ថ្នាក់សិក្ខាសាលា និងថ្នាក់វិទ្យាស្ថាន ។
- អូយ-យ៉ាន អាហ្គនីស អ៊ឹង មកពីវួដ វ៉េស ភ័ញ ទីក្រុងហុងកុង ។ បងស្រី អ៊ឹង បានបញ្ចប់ការសិក្សាពីសាកលវិទ្យាល័យ ប៊ី.វ៉ាយ.យូ.-ហាវ៉ៃ ដែលមានបរិញ្ញាបត្រផ្នែកគណនេយ្យ និងការគ្រប់គ្រងពាណិជ្ជកម្ម ។ គាត់គឺជាជំនួយការរដ្ឋបាលនៃផ្នែកគម្រោងពិសេសសម្រាប់សាសនាចក្រ ។ ពីមុនទទួលការហៅបម្រើថ្មីនេះ គាត់បានបម្រើជាប្រធានក្រុមយុវនារីស្តេក អ្នកជំនាញផ្នែកបោះជំរំរបស់ក្រុមយុវនារីស្តេក និងជាអ្នកដឹកនាំតន្រ្តីវួដ ។
- ព្រីម៉ា និកសុន មកពីវួដរ៉ាម៉ាមឺធី នាហ្គា បេងហ្គាលូរូ ប្រទេសឥណ្ឌា ។ បងស្រី និកសុន បានទទួលបរិញ្ញាបត្រផ្នែកសេដ្ឋកិច្ច ហើយឥឡូវនេះបម្រើការជាអ្នកវិភាគការគ្រប់គ្រងអាជីវកម្ម ។ គាត់មានកូនពីរនាក់ ហើយបានបម្រើក្នុងការហៅបម្រើជាច្រើននៅក្នុងសមាគមសង្រ្គោះ អង្គការបឋមសិក្សា ក្រុមយុវនារី និងសាលាថ្ងៃអាទិត្យ ។ នៅពេលបម្រើនៅក្នុងការហៅបម្រើរបស់គាត់ គាត់បានបម្រើជាប្រធានសមាគមសង្រ្គោះស្តេក និងគ្រូបង្រៀនថ្នាក់វិទ្យាស្ថានវួដ ។
- កៃសា ឡៃ មកពីវួដ សេមបាវ៉ាង ប្រទេសសិង្ហបុរី ។ គាត់បានបញ្ចប់ការសិក្សាពីសាកលវិទ្យាល័យប៊ី.វាយ.យូ. ជំនាញផ្នែកប្រវត្តិសាស្រ្ត ហើយទទួលថ្នាក់បណ្ឌិតពីសហរដ្ឋអាមេរិក និងប្រវត្តិសាស្រ្តរបស់ស្រ្តីមកពីសាកលវិទ្យាល័យរដ្ឋអូហៃអូ ។ បងស្រី ឡៃ ឥឡូវនេះកំពុងបម្រើការជាអ្នកគ្រប់គ្រងគោលនយោបាយ និងជាអ្នកចាត់ការនៅសាកលវិទ្យាល័យថ្នាក់ជាតិរបស់ប្រទេសសិង្ហបុរី ។ ក្រៅពីការហៅថ្មីរបស់គាត់ជាអ្នកប្រឹក្សាយោបល់ចំពោះអង្គការប្រចាំតំបន់ គាត់ក៏ជាប្រធានក្រុមយុវនារីប្រចាំវួដរបស់គាត់ផងដែរ ។
អែលឌើរ ដេវីឌ ភី. ហូម័រ ជាប្រធានប្រចាំតំបន់អាស៊ីបានមានប្រសាសន៍ថា « ពួកយើងមានអំណរគុណខ្លាំងណាស់សម្រាប់បងប្អូនស្រីទាំងនេះ ។ បទពិសោធន៍និងការបម្រើនៅក្នុងសាសនាចក្ររបស់ពួកគាត់ នឹងជួយពួកគាត់ឲ្យធ្វើជាអ្នកណែនាំ និងជាអ្នកបង្ហាត់បង្រៀន រួមទាំងជាថ្នាក់ដឹកនាំសមាគមសង្រ្គោះ ក្រុមយុវនារី អង្គការបឋមសិក្សាក្នុងមូលដ្ឋាន ហើយនិងផ្តល់ពរជ័យជាច្រើនទៀតផងដែរ » ។
សម្រាប់ព័ត៌មានលម្អិតទាក់ទងនិងក្រុមអ្នកប្រឹក្សាសម្រាប់អង្គការប្រចាំតំបន់ សូមចុចនៅ ទីនេះ ។