សម័យប្រជុំថ្នាក់ដឹកនាំផ្នែកពង្សប្រវត្តិឆ្នាំ២០១៨
សមាជិកសាសនាចក្រមានការទទួលខុសត្រូវមួយដើម្បីប្រមូលផ្ដុំគ្រួសាររបស់ពួកគេទាំងផ្នែកសងខាងនៃវាំងនន។ សេវាកម្មពង្សប្រវត្តិបើកសម្រាប់មនុស្សគ្រប់គ្នា ដោយពុំគិតពីវ័យ និងទីតាំងឡើយ។
ពួកអ្នកប្រឹក្សាយោបល់ផ្នែកព្រះវិហារបរិសុទ្ធ និងពង្សប្រវត្តិអាចធ្វើតាមគំរូរបស់ព្រះអង្គសង្គ្រោះ ហើយធ្វើការដោយផ្ទាល់ជាមួយនឹងក្រុមគ្រួសារ និងបុគ្គលម្នាក់ៗ ដើម្បីជួយពួកគេរកឃើញ ប្រមូល ហើយភ្ជាប់ទៅនឹងបុព្វការីជនរបស់ពួកគេ។
កុមារគឺជាពួកអ្នកបរិច្ចាគដ៏សំខាន់ចំពោះកិច្ចការនៃសេចក្ដីសង្គ្រោះ។ ពង្សប្រវត្តិផ្ដល់ឱកាសឲ្យកុមារទទួលអារម្មណ៍ពីព្រះចេស្ដានៃព្រះវិញ្ញាណបរិសុទ្ធ ហើយប្រែចិត្តជឿចំពោះដំណឹងល្អរបស់ព្រះយេស៊ូវគ្រីស្ទ។
ការភ្ជាប់ពួកអ្នកប្រែចិត្តជឿថ្មីទៅនឹងបុព្វការីជនរបស់ពួកគេគឺជារឿងដ៏សំខាន់ចំពោះកិច្ចការផ្សព្វផ្សាយសាសនា។ ពួកអ្នកប្រឹក្សាយោបល់ផ្នែកព្រះវិហារបរិសុទ្ធ និងពង្សប្រវត្តិអាចផ្ដល់នូវបរិយាកាសនៃសេចក្ដីស្រឡាញ់មួយសម្រាប់ពួកអ្នកប្រែចិត្តជឿថ្មី...ស្រដៀងនឹងបទពិសោធន៍របស់ពួកគេជាមួយនឹងអ្នកផ្សព្វផ្សាយសាសនាដែរ។
ដោយចំនួននៃព្រះវិហារបរិសុទ្ធមានការកើនឡើង និងវឌ្ឍនភាពនៃបច្ចេកវិទ្យាបានធ្វើឲ្យជំនាន់នេះជាគ្រាដ៏មានពរមួយនៅក្នុងប្រវត្តិសាស្ត្រ ដើម្បីប្រឡូកនៅក្នុងការបម្រើផ្នែកព្រះវិហារបរិសុទ្ធ និងពង្សប្រវត្តិ។