ថ្នាក់ដឹកនាំស្រុក និងខេត្តជាច្រើនរយនាក់ ព្រមទាំងអ្នកស្រុកអ្នកភូមិបានមកជួបជុំគ្នានៅថ្ងៃទី ១៦ ខែកុម្ភៈ ឆ្នាំ ២០២១ ដើម្បីប្រារព្ធពិធីបញ្ចប់គម្រោងកែលម្អខ្នាតធំជាប្រវត្តិសាស្ត្រនៅមន្ទីរពេទ្យបង្អែកហ៊ុន សែនស្រុកស្ទឹងត្រង់ ។ អំឡុងពិធីនានា ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានកោតសរសើរចំពោះការផ្លាស់ប្រែរូបរាងដ៏អស្ចារ្យ ៖
« យើងសូមអរគុណចំពោះលោកអ្នកដែលបានធ្វើការយ៉ាងសស្រាក់សស្រាំដើម្បីកែលម្អមន្ទីរពេទ្យនេះ ។ ឥឡូវ មន្ទីរពេទ្យនេះត្រូវបានបំពាក់ឧបករណ៍ និងមានបុគ្គលិកយ៉ាងល្អ ។ ការផ្លាស់ប្ដូរគឺមានភាពអស្ចារ្យណាស់ មន្ទីរពេទ្យគឺពិតជាស្រស់ស្អាតខ្លាំងណាស់ ។ វាគឺជាកន្លែងមួយដែលអ្នកជំងឺអាចមក ហើយមើលឃើញថាវាមានអនាម័យ ។ វាគឺជាគំរូល្អនៃភាពមានអនាម័យ ។ យើងសូមថ្លែងអំណរគុណចំពោះការគាំទ្ររបស់សមាគមននិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ពួកគាត់កំពុងជួយពួកយើងនូវទស្សនយូរអង្វែងដើម្បីកែលម្អបន្ថែមទៀតនៅទីនេះ និងកន្លែងផ្សេងៗទៀត » ។
មន្ទីរពេទ្យនេះជាមន្ទីរពេទ្យតែមួយគត់សម្រាប់ប្រជាជនប្រហែលជា ១០០០០ នាក់នៅក្នុងស្រុកស្ទឹងត្រង់ ដែលភាគច្រើនគឺជាប្រជាជនក្រីក្រខ្លាំង ។ ស្រុកនេះ គឺជាទឹកដីកំណើតរបស់នាយករដ្ឋមន្ត្រីនៃព្រះរាជាណាចក្រកម្ពុជា គឺមានចម្ងាយប្រហែលជា ៣ ម៉ោងកន្លះពីរាជធានីភ្នំពេញ ជារដ្ឋធានីនៃប្រទេសកម្ពុជា ។
គម្រោងនេះ គឺជាការសហការមួយរបស់សមាគមននិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលធ្វើការតាមរយៈគម្រោងកែលម្អសុខភាពកម្ពុជា ហៅកាត់ថា (CHIE) ព្រមទាំងថ្នាក់ដឹកនាំមកពីខេត្តកំពង់ចាម ស្រុកស្ទឹងត្រង់ និងមន្ទីរពេទ្យបង្អែកហ៊ុនសែនស្រុកស្ទឹងត្រង់ ។
អែលឌើរ ស្ទីវិន និងស៊ីស្ទើរ វីកគី លូវិស
អែលឌើរ លូវិស បានជួបនឹងថ្នាក់ដឹកនាំដើម្បីវាយតម្លៃពីតម្រូវការរបស់មន្ទីរពេទ្យ
គម្រោងនេះត្រូវបានចាប់ផ្ដើមនៅដើម ឆ្នាំ ២០១៩ ជាពេលអ្នកផ្សព្វផ្សាយសាសនារៀមច្បងអែលឌើរ ស្ទីវិន និងស៊ីស្ទើរ វីកគី លូវិស បានជួបនឹងថ្នាក់ដឹកនាំក្នុងស្រុកដើម្បីពិនិត្យមើលតម្រូវការរបស់មន្ទីរពេទ្យ ។ មិនយូរប៉ុន្មានបន្ទាប់ពីការប្រជុំដំបូង វិស្វករដំបូងគេបានមកមើលទីតាំងនៅខែវិច្ឆិកា ឆ្នាំ ២០១៩ ។
តម្រូវការសម្រាប់ការកែលម្អ
អំឡុងការចុះវាយតម្លៃពីតម្រូវការរបស់មន្ទីរពេទ្យនេះ ត្រូវបានកត់សម្គាល់ថា អនាម័យជាតម្រូវការចម្បងគេដើម្បីធ្វើការកែលម្អ ។ តំបន់ដំបូងគេដែលត្រូវផ្ដោតលើ គឺការកំណត់អំពីអ្វីត្រូវធ្វើដើម្បីលុបបំបាត់បញ្ហាដីភក់ជ្រាំ និងធូលីដីនៅអគារមន្ទីរពេទ្យ ។
ទិដ្ឋភាពនៅមុខមន្ទីរពេទ្យមុនពេលធ្វើការកែលម្អ មានធូលីដី និងមានទឹកថ្លុក
ទិដ្ឋភាពនៅមុខមន្ទីរពេទ្យមុនពេលធ្វើការកែលម្អ មានធូលីដី និងមានទឹកថ្លុក
អំឡុងពេលរដូវភ្លៀង ទឹកពុំមានលូទឹកបង្ហូរ ធ្វើឲ្យដក់ទឹក ហើយមានភក់ជ្រាំ ។ ភក់ជ្រាំត្រូវបានស្អិតជាប់ជើងអ្នកដែលដើរចូលមកក្នុងមន្ទីរពេទ្យ ។ បន្ថែមពីលើនោះ ថ្លុកទឹក គឺជាជម្រកបង្កើតសត្វមូសផងដែរ ។ អំឡុងរដូវប្រាំង ដីនៅខាងមុខមន្ទីរពេទ្យ ត្រូវខ្យល់បក់ហុយចូលពេញនៅក្នុងអគារមន្ទីរពេទ្យ ។
តម្រូវការបន្ថែមដែលបានកំណត់រួមមានទាំងការកែលម្អចំពោះតំបន់អ្នកជំងឺ ដែលត្រូវការសម្អាត និងលាបថ្នាំសារជាថ្មី ។ មន្ទីរពេទ្យនេះត្រូវបានបំពាក់ឧបករណ៍តែនឹងគ្រែធ្វើពីដែក និងគ្រែឈើតែប៉ុណ្ណោះ ។ គ្រែគ្មានពូក ហើយពិបាកដើម្បីសម្អាត ។ បន្ទប់ចាក់សោត្រឹមត្រូវ ។
កន្លែងបន្ទប់ទឹក ។ អ្នកជំងឺតម្រូវឲ្យចេញពីបន្ទប់អ្នកជំងឺ ហើយទៅតាមច្រកដើរចុះទៅប្រើបន្ទប់ទឹកនៅខាងក្រៅអគារ ។ គ្រែអ្នកជំងឺក៏ត្រូវកែថ្មី ហើយឧបករណ៍ក៏ចាំបាច់ត្រូវថែទាំផងដែរ ។
ទិដ្ឋភាពបន្ទប់អ្នកជំងឺដែលមានគ្រែដែក និងគ្រែឈើ
ទិដ្ឋភាពបន្ទប់អ្នកជំងឺដែលមានគ្រែដែក និងគ្រែឈើ
ស្ថានភាពដែលគ្មានអនាម័យ ក៏ត្រូវបានកត់ចំណាំផងដែរទៅលើកន្លែងលាងដៃចាស់ៗ ហើយឧបករណ៍ពេទ្យពុំបានសម្លាប់មេរោគបានត្រឹមត្រូវ ។ កន្លែងលាងដៃ និងចាំបាច់ត្រូវកែលម្អយ៉ាងខ្លាំង ហើយស្ដុករទេះនៅបន្ទប់សង្គ្រោះបន្ទាន់ ។
កន្លែងលាងដៃកខ្វក់ ហើយត្រូវការកន្លែងទុកដាក់ឧបករណ៍ និងកែលម្អអនាម័យ ។
កន្លែងលាងដៃកខ្វក់ ហើយត្រូវការកន្លែងទុកដាក់ឧបករណ៍ និងកែលម្អអនាម័យ ។
ក្នុងពេលជាក់លាក់នៅឆ្នាំនេះ ជាពិសេសនៅរដូវភ្លៀង មានគ្រែជាច្រើនដាក់តម្រៀបនៅតាមផ្លូវដើរ ហើយមានអ្នកជំងឺដែលរងគ្រោះដោយសារសត្វមូសកើតជំងឺ ដូចជាជំងឺគ្រុនឈាម និងជំងឺគ្រុនចាញ់ ។ ផ្លូវដើរ គឺបើកចំហរទៅក្រៅ ហើយអ្នកជំងឺនៅក្រៅប៉ះពាល់នឹងមូសដែលញាស់នៅក្នុងទឹកថ្លុក នៅមិនឆ្ងាយពីគ្នាប៉ុន្មាននៅខាងមុខមន្ទីរពេទ្យនោះ ។
ទិដ្ឋភាពផ្លូវដើរខាងក្រៅ អំឡុងពេលរដូវភ្លៀង
ទិដ្ឋភាពផ្លូវដើរខាងក្រៅ អំឡុងពេលរដូវភ្លៀង
ការអនុម័តផែនការ
អ្នកផ្សព្វផ្សាយសាសនារៀមច្បង ធ្វើបទបង្ហាញផែនការកែលម្អជូនឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងបុគ្គលិករបស់លោក នៅក្នុងការប្រជុំនាខែធ្នូ ឆ្នាំ ២០១៩ ។ ឯកឧត្តមអភិបាលមានក្ដីសោមនស្សអំពីគម្រោងដែលបានដាក់ស្នើ ហើយបានលើកទឹកចិត្តឲ្យលោកវេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាលខេត្តកំពង់ចាម និងលោកស្រី សុភ័ក្ត្រ ដែលជាប្រធានមន្ទីរធម្មការ និងសាសនាខេត្តកំពង់ចាម ។
ឯកឧត្តមអភិបាលបានថ្លែងថា ឯកឧត្តមចង់ឃើញមន្ទីរពេទ្យនេះ ក្លាយជាបទដ្ឋានថ្មីមួយសម្រាប់មន្ទីរពេទ្យដទៃៗទៀតទាំងអស់នៅក្នុងខេត្តកំពង់ចាម ។ ឯកឧត្តមបានថ្លែងអំណរគុណដល់សមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ និងគម្រោងកែលម្អសុខភាពកម្ពុជា និងបំណងប្រាថ្នារបស់ពួកគាត់ដើម្បីផ្ដល់ការខិតខំគាំទ្រឆ្ពោះទៅកាន់ការកែលម្អការថែទាំសុខភាពសម្រាប់ប្រជាជនក្រីក្រ និងខ្វះខាតនៅក្នុងខេត្ត ។
លោកសៀ សំណាង និង អែលឌើរ ភីទើរ អែហ្វ មើរស៍ ពិភាក្សាជាមួយអភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា ខណៈដែលអែលឌើរ រ៉ូប៊ើត ថេលើរ កំពុងសម្លឹងមើល
ថ្នាក់ដឹកនាំសាសនាចក្រ និងថ្នាក់ដឹកនាំខេត្តកំពង់ចាម នៅក្នុងការប្រជុំខែធ្នូ ឆ្នាំ ២០១៩
មូលនិធិដែលបានអនុមតិរបស់សមាគមសម្រាប់គម្រោងនៅក្នុងខែឧសភា ឆ្នាំ ២០២០ ។ ទោះជាយ៉ាងណា ការអនុម័តគឺស្ថិតនៅលើស្ថានភាពនៃការត្រឡប់មកវិញរបស់អ្នកផ្សព្វផ្សាយសាសនារៀមច្បងជាគូស្វាមីភរិយា មកកាន់ប្រទេសកម្ពុជា ។ គ្រប់អ្នកផ្សព្វផ្សាយសាសនារៀមច្បងនៅក្នុងប្រទេសកម្ពុជា ត្រូវបានបញ្ជូនឲ្យទៅផ្ទះវិញកាលពីចុងខែកុម្ភៈ ដោយសារតែជំងឺរាតត្បាតសកល ។
គម្រោងកែលម្អ
អែលឌើរ និងស៊ីស្ទើរ លូវិស បានត្រឡប់មកកាន់ប្រទេសកម្ពុជាវិញនៅដើមខែសីហា ឆ្នាំ ២០២០ ដើម្បីបន្ដបេសកកម្មរបស់ពួកគាត់ ។ ពេលដែលពួកគាត់បញ្ចប់ចត្តាឡីស័ករយៈពេល ១៤ ថ្ងៃភ្លាម នោះពួកគាត់បានចាប់ផ្ដើមគម្រោងដើម្បីបន្ដកិច្ចព្រមព្រៀងការងារឲ្យចប់សព្វគ្រប់ ។ កិច្ចការគម្រោងនោះ ចាប់ផ្ដើមជាផ្លូវការនៅចុងខែសីហា ឆ្នាំ ២០២០ ។
គម្រោងកែលម្អមន្ទីរពេទ្យបង្អែកហ៊ុនសែនស្រុកស្ទឹងត្រង់ ត្រូវបានដឹកនាំដោយផែនការធំៗ ដែលមាន ប្រាំដំណាក់កាលចម្បង ។ កិច្ចការទាំងអស់ត្រូវបានបញ្ចប់ត្រឹមចុងខែធ្នូ ឆ្នាំ ២០២០ ។
ដំណាក់កាលទី ១ ៖ បន្ទប់ទឹកអ្នកជំងឺ ។ ដំណាក់កាលទីមួយដោះស្រាយពីការខ្វះខាតកន្លែងបន្ទប់ទឹកនៅក្នុងតំបន់អគារអ្នកជំងឺ ។ អគារអ្នកជំងឺនីមួយៗ បានទទួលបន្ទប់ទឹកថ្មីមួយ ។ ឥឡូវអគារនីមួយៗមានបន្ទប់ទឹកបុរស និងបន្ទប់ទឹកស្ត្រី ដែលមានកន្លែងលាងដៃ បង្គន់ និងកន្លែងងូតទឹក ។
ក្បាលរ៉ូប៊ីណេថ្មីនៅក្នុងបន្ទប់ទឹក
ច្រកចូលទៅបន្ទប់ទឹកថ្មី
កន្លែងបង្គន់អ្នកជំងឺថ្មី
ដំណាក់កាលទី ២ ៖ ប្រឡាយបង្ហូរទឹកភ្លៀង និងទឹកខាងលើ ដំណាក់កាលនេះ រួមមានទាំងការធ្វើឲ្យរួចរាល់នូវផ្នែកខាងមុខមន្ទីរពេទ្យ និងកែប្រព័ន្ធលូគ្រប់គ្រងទឹកភ្លៀង ។ ប្រព័ន្ធលូទឹក រួមមានប្រឡាយលូចាក់បេតុង លូបង្កប់មានច្រកចេញច្រើន ដែលនឹងអាចហូរសម្ងួតទឹកនៅផ្ទៃខាងលើនៅជុំវិញទីលានមន្ទីរពេទ្យ ។ ការធ្វើបែបនេះនឹងជួយកាត់បន្ថយកុំឲ្យមានដីភក់ចូលទៅក្នុងមន្ទីរពេទ្យ ហើយលុបបំបាត់ការដក់ទឹក ដែលបណ្ដាលឲ្យកើតមូស ។
ការដាក់បំពង់លូទឹក
ការងារកែលម្អប្រព័ន្ធលូទឹកនៅខាងមុខមន្ទីរពេទ្យ
ដំណាក់កាលទី 3 ៖ ផ្លូវចូលធ្វើពីស៊ីម៉ង់ ។ ដំណាក់កាលទីបី ដោះស្រាយតម្រូវការដើម្បីមានច្រកចូល និងផ្លូវចូលត្រឹមត្រូវ ។ ច្រកចូលត្រូវបានកែលម្អដោយចាក់បេតុង ។ គ្រប់អគារមន្ទីរពេទ្យ ឥឡូវនេះអាចចេញចូលដោយពុំចាំបាច់បើកបរនៅលើផ្លូវដី ឬភក់នោះទេ ។ បន្ថែមពីលើនោះ ទីធ្លាត្រូវបានចាក់ក្រាលដោយកំទេចថ្មដើម្បីកុំឲ្យមានភក់ ឬធូលីដី ។ អ្វីៗទាំងអស់នេះជួយរក្សាឲ្យមន្ទីរពេទ្យបានស្អាត ហើយឡានសង្គ្រោះបន្ទាន់អាចចេញចូលបានកាន់តែងាយស្រួល ។
ការចាក់បេតុងកែលម្អច្រកចូល និងកន្លែងចត
ការរៀបចំកែលម្អច្រកចូល
ដំណាក់កាលទី ៤ ៖ ការលាបថ្នាំផ្នែកខាងក្នុង និងផ្នែកខាងក្រៅអគារ ។ អគារមន្ទីរពេទ្យ បានទទួលការលាបថ្នាំទាំងនៅខាងក្នុង និងខាងក្រៅ ។ ការងារនេះរួមមានទាំងការឈូសថ្នាំចាស់ និងធូលីដី និងផ្សិតចេញពីមុនប្រើថ្នាំលាបការពារ ហើយលាបថ្នាំពណ៌បង្ហើយ ។
ដំណាក់កាលទី ៥ ៖ គ្រែ ឧបករណ៍ត្រូវបានកែលម្អ និងការបំពាក់បំប៉នគ្រូពេទ្យ ។ បន្ទាប់ពីអ្វីៗផ្សេងទៀតបានបញ្ចប់ ដំណាក់កាលចុងក្រោយសម្រាប់គម្រោងកែលម្អ គឺការផ្ដល់គ្រែអ្នកជំងឺ និងឧបករណ៍ថ្មីៗ ។ ឧបករណ៍ថ្មីៗ រួមមានឧបករណ៍ការមើលថែទាំឧបករណ៍ដាក់សម្ភារ និងបច្ចេកវិទ្យាអេកូសាស្ត្រថ្មី ។ ដំណាក់កាលចុងក្រោយ គឺការផ្ដល់ការបំពាក់បំប៉នដល់បុគ្គលិករបស់មន្ទីរពេទ្យអំពីការប្រើប្រាស់ឧបករណ៍ ការសម្អាត និង បច្ចេកទេសគ្លីនីកដែលល្អប្រសើរ ។
គ្រែមន្ទីរពេទ្យថ្មី
ទូដាក់ឧបករណ៍វេជ្ជសាស្ត្រថ្មី
អគារអ្នកជំងឺបានតុបតែងថ្មី
ឧបករណ៍អេកូសាស្ត្រថ្មី
ពិធីកាត់ខ្សែបូ
នៅថ្ងៃទី ១៦ ខែកុម្ភៈ ឆ្នាំ ២០២១ គូសចំណាំជាការបញ្ចប់គម្រោងជាផ្លូវការ ។ មានការថ្លែងសុន្ទរកថាដោយអភិបាលនៃគណៈអភិបាលខេត្តកំពង់ចាម ឯកឧត្តមអ៊ុន ចាន់ដា និងដោយអែលឌើរ ស្ទីវិន លូវិស និងអែលឌើរ រ៉ូប៊ើត ថេលើរ ព្រមទាំង អ្នកផ្សព្វផ្សាយសាសនារៀមច្បងដែលកំពុងរស់នៅ និងកំពុងបម្រើនៅក្នុងខេត្តកំពង់ចាម ។ អំឡុងប្រសាសន៍របស់លោក អែលឌើរ លូវិស បានផ្ដល់នូវទស្សវិស័យអំពីគម្រោងថា ៖
« រាល់ការផ្លាស់ប្ដូរ ដែលបានធ្វើឡើងនៅទីនេះ គឺល្អប្រពៃណាស់ ។ ប៉ុន្តែនេះនៅមានច្រើនបន្ថែមទៀត ។ នេះគឺជាកន្លែងមួយដែលអ្នកជំងឺអាចមក ហើយមើលឃើញថាវាស្អាត ។ នៅឆ្នាំ ១៩៩៦ នេះគឺជាមន្ទីរពេទ្យថ្មីមួយ ។ ឥឡូវនៅឆ្នាំ ២០២១ វាថ្មីឡើងវិញម្ដងទៀត ។ មានវេជ្ជបណ្ឌិត និងគិលានុប្បដ្ឋាយិការល្អៗនៅទីនេះ ។ ស៊ីស្ទើរ លូវិស និង ខ្ញុំពិតជាមានកិត្តិយស ដើម្បីនៅជាមួយបងប្អូន ។ ពួកយើងផ្ដល់ក្ដីស្រឡាញ់ដ៏អស្ចារ្យចំពោះបងប្អូន និងភាពជាថ្នាក់ដឹកនាំដ៏អស្ចារ្យរបស់បងប្អូន » ។
នៅពេលការថ្លែងសុន្ទរកថាទាំងអស់ត្រូវបានបញ្ចប់ នោះពិធីកាត់ខ្សែបូជាផ្លូវការមួយ ត្រូវបានធ្វើឡើង គូសចំណាំពីការបើកមន្ទីរពេទ្យដែលបានជួសជុលកែលម្អថ្មីឡើងវិញ ។
ពិធីនានាបានធ្វើឡើងក្នុងពេលបញ្ចប់ការកែលម្អមន្ទីរពេទ្យបង្អែកហ៊ុន សែនស្រុកស្ទឹងត្រង់ ក្នុងខេត្តកំពង់ចាម ប្រទេសកម្ពុជា នៅថ្ងៃទី ១៦ ខែកុម្ភៈ ឆ្នាំ ២០២១
ពិធីនានាបានធ្វើឡើងក្នុងពេលបញ្ចប់ការកែលម្អមន្ទីរពេទ្យបង្អែកហ៊ុន សែនស្រុកស្ទឹងត្រង់ ក្នុងខេត្តកំពង់ចាម ប្រទេសកម្ពុជា នៅថ្ងៃទី ១៦ ខែកុម្ភៈ ឆ្នាំ ២០២១
ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម មើលទៅលោក ស្រី សុភ័ក្ត្រ ជាប្រធានមន្ទីរធម្មការ និងសាសនាខេត្តកំពង់ចាមដែលជួយនៅក្នុងការកាត់ខ្សែបូនៅមន្ទីរពេទ្យបង្អែកហ៊ុន សែនស្រុកស្ទឹងត្រង់
ជាលទ្ធផលនៃជំនួយរបស់សាសនាចក្រ ការកែលម្អមន្ទីរពេទ្យដ៏អស្ចារ្យ និងដែលពុំបានរំពឹងទុក ឥឡូវនេះត្រូវបានបញ្ចប់ជាបរិបូរ ។ អ្នកជំនួយឯកជនម្នាក់ បានចូលរួមក្នុងពិធីនៅមន្ទីរពេទ្យបង្អែកហ៊ុនសែនស្រុកស្ទឹងត្រង់ ។ គាត់បានសង្កេតឃើញពីការផ្លាស់ប្រែរូបរាង និងមានការស្ងើចសរសើរយ៉ាងខ្លាំងចំពោះអ្វីដែលបានកើតឡើងនៅឯមន្ទីរពេទ្យនោះ ។ ជិតបញ្ចប់ពិធីនោះ គាត់បានប្រកាសថា គាត់នឹងបរិច្ចាគមូលនិធិដើម្បីកែលម្អរបងនៅជុំវិញអគារមន្ទីរពេទ្យ និងផ្លូវ ( ឥឡូវជាផ្លូវដី ) ដែលជិះចូលទៅកាន់ច្រកទ្វារមន្ទីរពេទ្យ ។ វិធានការបន្ថែមនេះ នឹងជួយដើម្បីកាត់បន្ថយធូលីដី និងដីភក់ចូលទៅក្នុងទីធ្លាមន្ទីរពេទ្យ ។
ពេលបញ្ចប់សព្វគ្រប់ ទីធ្លាមន្ទីរពេទ្យត្រូវបានកែលម្អ ហើយអគារមន្ទីរពេទ្យត្រូវបានតុងតែងឡើង អែលឌើរ និងស៊ីស្ទើរ លូវិស បន្ដធ្វើការជាមួយនឹងក្រុមមន្ទីរពេទ្យ ។ ជំហានបន្ទាប់នឹងដាក់បញ្ចូលនូវការបំពាក់បំប៉នដល់បុគ្គលិកអំពីភាពស្អាតក្នុងមន្ទីរពេទ្យ ការការពាររោគឆ្លង ការសម្អាតឧបករណ៍ និងការចំហុយឧបករណ៍សម្លាប់មេរោគ ។