តើអ្នកធ្លាប់ឮនរណាម្នាក់និយាយថា « ការប្រជុំសាក្រាម៉ង់នោះល្អណាស់ » ហើយឆ្ងល់ថា តើពួកគេបាននៅក្នុងការប្រជុំនោះជាមួយអ្នកដែរឬទេ ? ការប្រជុំសាក្រាម៉ង់ធ្វើឡើងក្នុងគោលបំណងផ្តល់ពរជ័យដល់ជីវិតយើង ប៉ុន្តែដើម្បីទទួលបានផលដ៏ច្រើនបំផុតមកពីពិធីនេះ នោះយើងត្រូវបោះទុនខ្លួនយើងបន្តិច ។ នេះជាយោបល់មួយចំនួនអំពី …
ពិធីសាក្រាម៉ង់ ៖
- ជាផ្នែកមួយនៃការសិក្សាប្រចាំថ្ងៃរបស់អ្នក សូមអានខគម្ពីរនៅក្នុង Topical Guide ដែលនិយាយអំពី « ពិធីសាក្រាម៉ង់ » ។
- រៀបចំខ្លួនពីមុនការប្រជុំ ។ ទៅដល់កន្លែងមុនការប្រជុំចាប់ផ្ដើម ហើយស្តាប់តន្ត្រីកំដរមុនការប្រជុំ រួចស្វែងរកវិវរណៈ ។
- អំឡុងពេលច្រៀងទំនុកតម្កើងសាក្រាម៉ង់ សូមគិតអំពីទំនុកបទនៃទំនុកតម្កើងនោះឲ្យជក់ចិត្ត ។
- រំឭកក្នុងចិត្តរបស់អ្នកពីមូលហេតុដែលអ្នកកំពុងទទួលទានសាក្រាម៉ង់ ។
- ផ្តោតចិត្តទុកដាក់លើការអធិស្ឋាននៅពេលគេថ្លែងឡើង ។ គិតអំពីខ្លួនអ្នកថាកំពុងស្ថិតនៅក្រោមសេចក្តីសញ្ញា ។
ការឡើងនិយាយ ៖
- សូមសម្រេចចិត្តថា អ្នកនឹងរៀនយ៉ាងហោចណាស់អ្វីមួយថ្មីមកពីអ្នកឡើងនិយាយម្នាក់ៗ ។ ដូច្នោះហើយ សូមព្យាយាមស្តាប់ ។
- ប្រសិនបើអ្នកឡើងនិយាយ មើលទៅហាក់ដូចជាភ័យ សូមញញឹម និងសម្លឹងមើលទៅភ្នែកពួកគេ ។ ចៀសវាងការខ្សឹបអ្នកដទៃ ។ ប្រសិនបើអ្នកឡើងនិយាយនៅលើវេទិកា នោះអ្នកក៏ចង់បានសេចក្តីសប្បុរស និងការគោរពនេះដូចគ្នា ។ ហើយការចេះគិតគូររបស់អ្នក នឹងជួយអញ្ជើញយាងព្រះវិញ្ញាណឲ្យបង្រៀនអ្នក ។
- សូមស្រមៃថា អ្នកនឹងត្រូវសរសេររបាយការណ៍អំពីសុន្ទរកថាមួយ ។ តើអ្នកឡើងនិយាយបានថ្លែងចំណុចល្អអ្វីខ្លះ ?
- សរសេរសំណួរអំពីប្រធានបទនៃសុន្ទរកថា ដើម្បីអ្នកអាចជ្រាវស្រាវវានៅពេលក្រោយ ។
- សូមនាំមិត្តភក្តិដែលពុំមែនជាសមាជិក ឬជាសមាជិកមិនសូវសកម្មឲ្យមកចូលរួម ។ អ្នកនឹងសង្កេតឃើញថា រូបអ្នកយកចិត្តទុកដាក់ និងរៀនកាន់តែច្រើន ក្នុងករណីដែលមិត្តភក្តិរបស់អ្នកមានសំណួរ ឬចង់និយាយអំពីអ្វីដែលគាត់បានស្តាប់ឮ ។
- សូមចាំថា ប្រសិនបើអ្នកស្តាប់ការឡើងនិយាយដោយឥរិយាបថដែលចង់រៀន នោះព្រះវិញ្ញាណអាចបង្រៀនអ្នកនូវអ្វីៗដែល អ្នក ត្រូវរៀន ទោះបីអ្នកឡើងនិយាយពុំបានថ្លែងវាចំៗក៏ដោយ ។
តើ អ្នក ធ្វើអ្វីខ្លះ ដើម្បីទទួលបានផលដ៏ច្រើនបំផុតមកពីការប្រជុំសាក្រាម៉ង់ ? សូមប្រាប់ពួកយើងតាមរយៈអ៊ីម៉ែល ftsoy@ChurchofJesusChrist.org ។