ការអញ្ជើញមកពីគណៈប្រធានតំបន់អាស៊ី
យើងសូមលើកទឹកចិត្តសមាជិកគ្រប់រូបឲ្យជួបតាមអ៊ីនធឺណិត ឬជួបដោយផ្ទាល់ជាមួយនឹងប៊ីស្សព ឬប្រធានសាខារបស់ខ្លួន ដើម្បីធ្វើការផ្ទៀងផ្ទាត់ដង្វាយមួយភាគក្នុងដប់ ។
ពរជ័យដែលបានសន្យាមកពីព្យាការី
« ការបង្កើតឲ្យមានសេចក្ដីជំនឿដ៏រឹងមាំ ការតាំងចិត្តដ៏ស្វិតស្វាញដើម្បីធ្វើជាអ្នកថ្វាយដង្វាយមួយភាគក្នុងដប់ដ៏ពេញលេញ គឺមានសារៈសំខាន់ខ្លាំងណាស់ ។ ជាដំបូង វាត្រូវការសេចក្ដីជំនឿដើម្បីថ្វាយដង្វាយមួយភាគក្នុងដប់។ បន្ទាប់មក អ្នកថ្វាយដង្វាយមួយភាគក្នុងដប់ត្រូវអភិវឌ្ឍសេចក្ដីជំនឿបន្ថែមទៀតឲ្យដល់កម្រិតមួយដែលថា ដង្វាយមួយភាគក្នុងដប់ក្លាយជាឯកសិទ្ធិដ៏មានតម្លៃមួយ ។ … ទ្រង់បានសន្យាដល់បុត្រាបុត្រីរបស់ទ្រង់ថា ទ្រង់នឹងបើក ‹ ទ្វារស្ថានសួគ៌ ដើម្បីចាក់ព្រះពរ … ដែលនឹងគ្មានកន្លែងល្មមទុកបានទេ › » ។
ប្រធាន រ័សុល អិម ណិលសុន
សំណួរ និងចម្លើយ
សំណួរ ៖ តើអ្វីជាការផ្ទៀងផ្ទាត់ដង្វាយមួយភាគក្នុងដប់ ?
ចម្លើយ ៖ ការផ្ទៀងផ្ទាត់ដង្វាយមួយភាគក្នុងដប់គឺជាឱកាសប្រចាំឆ្នាំមួយ ដើម្បីឲ្យសមាជិកម្នាក់ៗក្នុងសាសនាចក្រជួបជាមួយនឹងប៊ីស្សព ឬប្រធានសាខា ។
សំណួរ ៖ តើយើងពិភាក្សាអំពីអ្វីខ្លះនៅក្នុងការផ្ទៀងផ្ទាត់ដង្វាយមួយភាគក្នុងដប់ ?
ចម្លើយ ៖ សមាជិកសាសនាចក្រអាចពិនិត្យមើលថា តើការកត់ត្រាប្រាក់ដង្វាយរបស់ពួកគាត់ត្រឹមត្រូវដែរឬទេ ហើយប្រកាសប្រាប់ប៊ីស្សពអំពីស្ថានភាពថ្វាយដង្វាយមួយភាគក្នុងដប់របស់ខ្លួន ។ វាផ្ដល់ឱកាសឲ្យប៊ីស្សពពិភាក្សាជាមួយនឹងពួកគាត់អំពីគោលការណ៍នៃដង្វាយមួយភាគក្នុងដប់ លើកទឹកចិត្តឲ្យធ្វើការបង់ដង្វាយតមអាហារដោយសេចក្ដីសប្បុរ និងផ្ដល់ការប្រឹក្សាស្ដីពីបញ្ហាហិរញ្ញវត្ថុ និងបញ្ហាខាងវិញ្ញាណផ្សេងៗទៀត ។
សំណួរ ៖ តើយើងអញ្ជើញនរណាខ្លះ ?
ចម្លើយ ៖ សមាជិកគ្រប់គ្នា ។ មិនថាអ្នកបានថ្វាយដង្វាយមួយភាគក្នុងដប់ឬអត់នោះទេ យើងសូមលើកទឹកចិត្តអ្នកឲ្យចូលរួមធ្វើការផ្ទៀងផ្ទាត់ដង្វាយមួយភាគក្នុងដប់មុនដំណាច់ឆ្នាំ ។ ប្រសិនបើអាចធ្វើបាន សមាជិកគ្រប់រូបក្នុងគ្រួសារគួរតែចូលរួមម្ដងទាំងអស់គ្នា ។