ឆ្នាំ ២០២១ គឺជាខួបលើកទី ៥០ នៃ ការគ្រប់គ្រងការសម្ដែងសិល្បៈ នៅសាកលវិទ្យាល័យ ព្រិកហាំ យ៉ង់ ( ប៊ី.វ៉ាយ.យូ. ) ជាសាកលវិទ្យាល័យមួយដែលត្រូវបានគេទទួលស្គាល់ជាផ្លូវការនៅសហរដ្ឋអាមេរិក ដែលទទួលបានការឧបត្ថម្ភដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ក្រុមសម្ដែង ប៊ី.វ៉ាយ.យូ. ជាច្រើននាក់រីករាយនឹងការទទួលស្គាល់ជាលក្ខណៈអន្ដរជាតិ ដែលទទួលបានតាមរយៈការតាំងចិត្តរបស់សិស្សសម្ដែងជាច្រើន ដើម្បីឈានទៅរកភាពល្អបំផុត និងការផលិតដែលមានគុណភាពដ៏មានវិជ្ជាជីវៈ ។
ទោះបីជាជំងឺរាតត្បាតនេះបានរារាំងសិស្សសម្ដែង ប៊ី.វ៉ាយ.យូ. ទាំងនេះពីការធ្វើដំណើរជុំវិញពិភពលោកដើម្បីធ្វើការប្រគំតន្ដ្រីបន្ដផ្ទាល់ក្ដី ក៏វាមិនបានបញ្ឈប់ពួកគេពីការចែកចាយទេពកោសល្យរបស់ពួកគេ និងការនាំសេចក្ដីអំណរដល់ទស្សនិកជនជាលក្ខណៈអន្ដរជាតិតាមអ៊ីនធឺណិតនោះដែរ ។
ក្រុមភ្លេង International Folk-Dance ៖ ដោយការសម្ដែងរបាំ និងតន្ដ្រីវប្បធម៌មកពីទូទាំងពិភពលោក នោះក្រុមភ្លេងនេះនឹងបំពេញវេទិកាដោយពណ៌ចម្រុះ ទំនុកចុងជួន និងប្រវត្តិសាស្ដ្រ ។
ក្រុម Living Legends ៖ ក្រុម Living Legends របស់ ប៊ី.វ៉ាយ.យូ. នឹងធ្វើការសម្ដែងរបាំ តន្ដ្រី និងសម្លៀកបំពាក់របាំតាមវប្បធម៌ប្រកបដោយការបំផុសគំនិត ដើម្បីអបអរសាទរដល់កេរ្ដិ៍តំណែលអាមេរិកឡាទីន អាមេរិកាំងដើម និងប៉ូលីនេស៊ី ។
ក្រុមចម្រៀង Vocal Point ៖ ក្រុមចម្រៀងសំឡេងសុទ្ធ ដែលបានទទួលពានរង្វាន់នេះ រួមផ្សំគ្នានូវសំឡេងចម្រុះគ្នា កំប្លែងសំណើច និងការធ្វើសំឡេងជាឧបករណ៍ភ្លេងគោះដ៏អស្ចារ្យទៅជាស្ទីលដ៏មានអានុភាព ដែលមានភាពពិសេសមួយបែប ។
ក្រុម Young Ambassadors ៖ ដោយមានការចូលរួមពីសំណាក់អ្នកចម្រៀង អ្នកសម្ដែង និងអ្នករបាំរបស់ ប៊ី.វ៉ាយ.យូ. ចំនួន ២០ រូប នោះក្រុម Young Ambassadors នឹងសម្ដែងចម្រៀង Broadway ប្រពៃណី និងតន្ដ្រីសម័យទំនើបនាសព្វថ្ងៃនេះ ។
ក្រុមរបាំ Ballroom Dance Company ៖ អ្នកសម្ដែង នឹងបង្ហាញក្បាច់រាំដ៏គួរឲ្យទាក់ទាញអារម្មណ៍ និងពេញដោយគំនិតច្នៃប្រឌិត ដែលផ្លាស់ប្ដូរបន្ដបន្ទាប់គ្នាយ៉ាងរលូនពីរបាំវ៉ាល់ស៍ ទៅការរាំសុមបាដែលមានចង្វាក់ចុងជួនគ្នា ព្រមទាំងការភ្ញាក់ផ្អើលជាច្រើនទៀត ។ ពួកគេផ្ដល់ជូននូវភាពខុសៗគ្នាជាច្រើននៃការបង្កើតក្រុមរាំ ចម្រៀងសូឡូ និងតន្ដ្រីពិសេសដ៏អស្ចារ្យនានា ។
ចាប់ពីថ្ងៃទី ២៨ ខែ មេសា ដល់ថ្ងៃទី ៤ ខែ ឧសភា ក្រុមសម្ដែងសិល្បៈទាំងនេះ – ក្រុមរបាំ Ballroom Dance Company, ក្រុម Young Ambassadors, ក្រុម International Folkdance, ក្រុម Living Legends និង ក្រុមចម្រៀង Vocal Point – នឹងចាក់ផ្សាយបន្ដផ្ទាល់តាមអ៊ីនធឺណិតរយៈពេលមួយសប្ដាហ៍នូវការប្រគំតន្ដ្រី ការប្រជុំធម្មនិដ្ឋាន និងវគ្គសិក្ខាសាលាជាបន្ដបន្ទាប់សម្រាប់ទស្សនិកជនគ្រប់វ័យ ។ ការសម្ដែងដោយឥតគិតថ្លៃទាំងនេះនឹងមាននៅគ្រប់ទ្វីប ហើយបង្ហាញជូននូវតន្ដ្រី របាំ និងវប្បធម៌ជាច្រើនមកពីទូទាំងពិភពលោកនេះ ។
សូមចុង ត្រង់នេះ ដើម្បីមើលបញ្ជីនៃការសម្ដែង និងការប្រជុំធម្មនិដ្ឋានទាំងឡាយ ។ ( សូមកត់ចំណាំ ៖ មិនថាអ្នកនៅទីណាក្នុងពិភពលោកនេះទេ ដោយអាស្រ័យលើឧបករណ៍ដែលអ្នកភ្ជាប់ នោះទំព័រនេះនឹងបង្ហាញពេលវេលាកាលវិភាគនៃការសម្ដែងតាមអ៊ីនធឺណិត ទៅតាមតំបន់ពេលវេលានៅក្នុងមូលដ្ឋានរបស់អ្នក ) ។ យើងមានព្រឹត្តិការណ៍បីបួនជារៀងរាល់ថ្ងៃ ដើម្បីអនុញ្ញាតឲ្យអ្នកគាំទ្រមកពីតំបន់ ដែលមានពេលវេលាខុសគ្នារីករាយនឹងការសម្ដែង ។ ដើម្បីចូលរួមនៅក្នុងវគ្គសិក្ខាសាលា សូមភ្ជាប់តាមរយៈការប្រើប្រព័ន្ធផ្សព្វផ្សាយសង្គម ដោយចុចលើតំណភ្ជាប់របស់ក្រុមនៅខាងលើនេះ ។
ទស្សនិកជនទាំងឡាយត្រូវបានលើកទឹកចិត្តឲ្យចែកចាយបទពិសោធន៍របស់ពួកគេ នៅលើប្រព័ន្ធផ្សព្វផ្សាយសង្គមដោយការចុះផ្សាយជាមតិ រូបថត ឬវីដេអូ ដែលសរសេរអក្សរថា #BYUtours បន្ទាប់ពីការមើលការប្រគំតន្ដ្រី ការប្រជុំធម្មនិដ្ឋាន ឬវគ្គសិក្ខាសាលារួចហើយ ។
សូមមើលវាជាមួយមិត្តភក្ដិ និងគ្រួសារនៅទីនេះ ៖ byu.edu/live
ព័ត៌មានស្ដីពីការចាក់ផ្សាយបន្ដផ្ទាល់ដ៏សំខាន់មកពីនាយកដ្ឋានរបាំ ប៊ី.វ៉ាយ.យូ
ការគ្រប់គ្រងការសម្ដែងសិល្បៈ ប៊ី.វ៉ាយ.យូ. សូមធ្វើការអភ័យទោសទុកជាមុនចំពោះការរអាក់រអួល ឬបញ្ហាខាងបច្ចេកទេសដែលអាចកើតមានជាយថាហេតុក្នុងអំឡុងការសម្ដែងនេះ ។ សូមកត់ចំណាំថា ការរអាក់រអួលផ្នែកសំឡេង ឬរូបភាពគឺអាស្រ័យទៅលើប្រភពនានា ដែលហួសពីការគ្រប់គ្រងរបស់ពួកគេបាន ។ ចំពោះបញ្ហាណាមួយក្នុងការមើលការចាក់ផ្សាយបន្ដផ្ទាល់ ឬសំណួរអំពីការមើលការប្រគំតន្ដ្រីបន្ដផ្ទាល់ សូមចូលទៅកាន់ ទំព័រ ស.ស.ញ. របស់ពួកគេ ។
ប្រសិនបើការចាក់ផ្សាយបានឈប់ ឬមិនបានផ្ទុកទេ សូមរំឭកទំព័រឡើងវិញ ហើយចុចលើប៊ូតុងចាក់ ដើម្បីផ្ទុកវាម្ដងទៀត ។
សូមកត់ចំណាំ ៖ ដោយសារតែមានការដាក់កម្រិតនៃអាជ្ញាប័ណ្ណក្នុងការសម្ដែងបន្ដផ្ទាល់របស់ ប៊ី.វ៉ាយ.យូ. នោះការប្រគំតន្ដ្រីទាំងឡាយអាចបានតែចាក់ផ្សាយបន្ដផ្ទាល់ប៉ុណ្ណោះ ហើយមិនអាចមើលការសម្ដែងនៅពេលក្រោយតាមទម្រង់ណាមួយឡើយ ។