ដោយសារកង្វល់ជាច្រើនទាក់ទងទៅនឹងជំងឺផ្លូវដង្ហើមវីរុសកូរូណាបន្ដកើនឡើង ប្រធាននៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ប្រធានណិលសុន បានសួរទៅកាន់មិត្តយូរអង្វែងរបស់លោកនៅប្រទេសចិនថាមានត្រូវការអ្វីខ្លះ ។
តាមរយៈកិច្ចខិតខំទាំងនេះ សាសនាចក្របានដឹងពីតម្រូវការឧបករណ៍ដើម្បីការពារនៅមន្ទីរពេទ្យកុមារទីក្រុងសៀងហៃ ដែលគ្រឿងបរិក្ខារត្រូវបានអស់ដោយសារតែផ្ទុះរាតត្បាតនៅក្នុងទីក្រុងវូហាន ។ ដោយមានការចាប់ដៃគូជាមួយនឹងគម្រោង ក្ដីសង្ឃឹម នោះមានផែនការជាច្រើនត្រូវបានធ្វើឡើងដើម្បីចែកចាយសម្ភារបរិក្ខារដែលត្រូវការចាំបាច់ទាំងឡាយ ។
ដេអូអាចទាញយកបាន ៖ SOTs / Broll
ដោយធ្វើការជាមួយគម្រោងក្ដីសង្ឃឹម យន្ដហោះមួយគ្រឿងមកពីទីក្រុងសលត៍ លេក គឺត្រូវបានជួលឲ្យដឹកជញ្ជូនសម្ភារបរិក្ខារមកពីឃ្លាំងធំរបស់ប៊ីស្សពក្នុងសាសនាចក្រនៅក្នុងទីក្រុងសលត៍ លេក ។ ការដឹកជញ្ជូនទីពីរនឹងត្រូវបានបញ្ជូនមកពីឃ្លាំងរបស់សាសនាចក្រនៅក្នុងប្រទេសអាត្លង់តា ។ សរុបទាំងអស់នឹងមានម៉ាស់ចំនួន ២២០,០០០ និងមានវ៉ែនតាពាក់ការពារភ្នែកចំនួន ៨៧០ គូ និងសម្លៀកបំពាក់ការពារមួយតួខ្លួនចំនួនច្រើនជាង ៦៥០០ សម្រាប់ ត្រូវបានដាក់បញ្ជូននៅក្នុងបារ៉ែលចំនួន ៧៩ បារ៉ែលនូវឧបករណ៍ការពារខាងវេជ្ជសាស្ត្រ ។
នៅក្នុងទីក្រុងសៀងហៃ អ្នកស្ម័គ្រចិត្តពួកបរិសុទ្ធថ្ងៃចុងក្រោយសង្ឃឹមថានឹងជួយទទួល ហើយចែកចាយសម្ភារបរិក្ខារទាំងឡាយទៅដល់អស់អ្នកដែលកំពុងត្រូវការ ។
ប្រធាន ណិលសុន ជាវេជ្ជបណ្ឌិតវះកាត់បេះដូងដ៏ល្បីឈ្មោះទូទាំងពិភពលោកមួយរូបស្ទើរពេញមួយជីវិតលោក រហូតដល់លោកត្រូវបានហៅជាសាវកនៃសាសនាចក្រនៅក្នុងឆ្នាំ ១៩៨៤ គឺត្រូវបានគេស្គាល់ពេលធ្វើការវះកាត់បេះដូង រួមទាំងនៅក្នុងប្រទេសចិន ជាកន្លែងដែលការវះកាត់ចុងក្រោយរបស់លោកត្រូវបានធ្វើឡើងនៅក្នុងឆ្នាំ ១៩៨៥ ។ តាមរយៈអាជីពវិជ្ជាជីវៈរបស់លោក និងការបម្រើដល់សាសនាចក្រ លោកបានបង្កើតមិត្តភាពយូរអង្វែង ។ ប្រធាន ណិលសុន បានមានប្រសាសន៍ថា « ខ្ញុំមានទំនាក់ទំនងនឹងប្រជាជនចិនដ៏ល្អអស់រយៈពេលជាច្រើនទស្សវត្សរ៍ហើយ ។ ទាំងនេះគឺជាបងប្អូនប្រុសស្រីជាទីស្រឡាញ់របស់យើង ហើយយើងមានអារម្មណ៍ថាជាឯកសិទ្ធិដែលអាចផ្ដល់ជំនួយក្នុងចំនួនដ៏តិចតួចនេះ ។ ពួកយើងអធិស្ឋានឲ្យពួកគេ ហើយដឹងថាព្រះនឹងប្រទានពរដល់ពួកគេ » ។
វីរុសកូរូណាត្រូវបានរកឃើញជាដំបូងនៅក្នុងខេត្តហូបៃនៃប្រទេសចិន ជាកន្លែងដែលមានចំនួននៃការឆ្លងបានកើនជិតដល់ ៦០០០ នាក់ ព្រមទាំងមានករណីជាច្រើនទៀតត្រូវបានបញ្ជាក់ថាមាននៅក្រៅប្រទេសចិន ។ រដ្ឋាភិបាល និងពលរដ្ឋនានានៅជុំវិញពិភពលោកបានធ្វើការប្រុងប្រយ័ត្នជាមុនកុំឲ្យមានផ្ទុកវីរុសដែលបានរីករាលដាលនេះ ។
មានទំនាក់ទំនងនឹងប្រជាជនចិនដ៏ល្អអស់រយៈពេលជាច្រើនទស្សវត្សរ៍ហើយ ។ ទាំងនេះគឺជាបងប្អូនប្រុសស្រីជាទីស្រឡាញ់របស់យើង ហើយយើងមានអារម្មណ៍ថាជាឯកសិទ្ធិដែលអាចផ្ដល់ជំនួយក្នុងចំនួនដ៏តិចតួចនេះ ។ ពួកយើងអធិស្ឋានឲ្យពួកគេ ហើយដឹងថាព្រះនឹងប្រទានពរដល់ពួកគេ ។ —ប្រធាន ណិលសុន
Tweet