ការរីករាលដាលនៃមេរោគឆ្លងវីរុសកូរ៉ូណាកំពុង តែ ជះ ឥទ្ធិពលយ៉ាងខ្លាំងទៅ លើ គ្រប់រូបភាពនៃការរស់នៅរបស់ប្រជាជននៅហុងកុង។ នៅដើមខែកុម្ភៈ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅហុងកុងបានសម្រេចចិត្តលុបចោលរាល់ការប្រជុំរបស់ខ្លួនរហូតដល់មានការជូនដំណឹងបន្ថែមទៀតដែលជាការប្រុងប្រយ័ត្នដើម្បីជួយដល់សមាជិកឲ្យជៀសវាងពីការឆ្លង។ ខណៈពេល ការរំខាន របស់ វីរុស គឺធំធេងណាស់ សម្រាប់ អស់អ្នក ដែលរស់នៅ ក្នុង ទីក្រុង នោះ ពួកបរិសុទ្ធ ថ្ងៃ ចុង ក្រោយ ជា ច្រើន មើល ឃើញ ថា នេះ ជា ឱកាស មួយ ដើម្បី អភិវឌ្ឍ ភាពខ្លួនទីពឹងខ្លួនខាងវិញ្ញាណកាន់តែខ្លាំង។
កូរ៉ា ជាគ្រូសាលាថ្ងៃអាទិត្យនៅវួដ ហ្គាសវេ ប៊េបាននិយាយថា « កាលពីឆ្នាំមុនសាសនាចក្របានចាប់ផ្តើមអនុវត្តការសិក្សាដំណឹងល្អនៅតាមផ្ទះដែលបានលើកទឹកចិត្តឲ្យសមាជិកចំណាយពេលវេលាក្នុងការរៀនការបង្រៀនដំណឹងល្អដោយខ្លួនឯងផ្ទាល់ជាមួយក្រុមគ្រួសារ - នោះគឺជាអ្វីដែលបានរៀបចំដ៏ល្អសម្រាប់គ្រាលំបាកដូចបែបនេះ » ។
នាងបានបន្តថា« ទោះបីយើងមិនអាចចូលរួមក្នុងសាសនាចក្របានដោយផ្ទាល់ក្តីក៏ព្រះវរបិតាសួគ៌ផ្តល់ផ្លូវសម្រាប់យើងដើម្បីស្វែងរកចំណេះដឹងខាងវិញ្ញាណតាមមធ្យោបាយផ្សេងទៀត។ វួដរបស់យើងធ្វើការជួបគ្នាបានតាមរយៈកម្មវិធី Zoom និងមានការពិភាក្សាអំពីដំណឹងល្អនៅលើ WhatsApp ។ គ្មានអ្វីអាចបញ្ឈប់យើងបានទេប្រសិនបើយើងពិតជាចង់រៀន » ។
ទោះបីថ្នាក់សិក្ខាសាលាត្រូវបានលុបចោលក៏ដោយ ក៏គណៈប្រធានស្តេកកោះហុងកុងនៃសាសនាចក្រលោកវែនី ស្សាគបាននាំគ្រួសាររបស់គាត់ឡើងភ្នំហើយបង្កើត« បទទេសនកថានៅលើភ្នំ ! » ដោយខ្លួនឯង ។
ភរិយារបស់គាត់ឈ្មោះ សាលីនណា បាននិយាយថា « ការរៀនមេរៀនខាងព្រលឹងវិញ្ញាណមួយ នៅពេលដែលបានចូលទៅជិតធម្មជាតិគឺជាបទពិសោធន៍ដ៏គួរឲ្យចងចាំមួយសម្រាប់គ្រួសាររបស់យើង » ។ « យើងទៅធ្វើការនៅពេលព្រលឹមស្រាងៗដោយមានមនុស្សតិចតួចនៅជុំវិញ ។ វាពិតជាល្អណាស់ក្នុងការចេញទៅក្រៅ ... កាលពីមុនយើងមមាញឹកនឹងកាតព្វកិច្ចផ្ទាល់ខ្លួនដែលយើងមិនអាចចំណាយពេលដ៏មានតម្លៃបានច្រើនជាមួយក្រុមគ្រួសារនៅក្នុងថ្ងៃធ្វើការ / ថ្ងៃរៀនធម្មតា ។ ការផ្ទុយគ្នានៃវីរុស កូរ៉ូណាគឺវាផ្តល់ឲ្យយើងនូវឱកាសនិងពេលវេលាដើម្បីនៅជិតគ្នាដែលយើងមិនមានពីមុនមក » ។
មែនឡៃ ហួយ ជា សមាជិកក្នុងវួដ មេអំបៅ និងស្វាមីរបស់នាងរួមទាំងអ្នកកំដរកូនកំលោះនិងអ្នកកំដរកូនក្រមុំពួកគេត្រូវពាក់ម៉ាស់នៅក្នុងថ្ងៃដែលពួកគេរៀបការ ។ នាងបាននិយាយថាវាពិតជាស្ត្រេសណាស់ក្នុងការរៀបចំពិធីមង្គលការអំឡុងពេលមានវិបត្តិនៃជម្ងឺកូរ៉ូណា ប៉ុន្តែនាង មានអារម្មណ៍មួយនៅពេលនាងបានសិក្សាមកពី« ចូរ មកតាមខ្ញុំ » ។
នាងនិយាយថា « វាងាយស្រួលណាស់ក្នុងការត្អូញត្អែរនិងពិបាកចិត្តនៅពេលមានបញ្ហា ប៉ុន្តែបទគម្ពីរបានបង្រៀនយើងថា ជំនួសឲ្យការសួរថាហេតុអ្វីរឿងអាក្រក់កើតឡើងចំពោះមនុស្សល្អ ប្រហែលជាវាសំខាន់ជាងក្នុងការរៀនពីអ្វីដែលមនុស្សល្អធ្វើនៅពេលមានរឿងអាក្រក់កើតឡើង » ។ « គោលដៅរបស់ខ្ញុំគឺដាក់ព្រះជាទីមួយនិងធ្វើអ្វីដែលទ្រង់សព្វព្រះទ័យ ឲ្យ ខ្ញុំធ្វើ » ។
ដូចហួយដែរ សមាជិកសាសនាចក្រជាច្រើនប្រាថ្នាចង់ទៅស្វែងរកការរីកចម្រើនខាងវិញ្ញាណផ្ទាល់ខ្លួនក្នុងគ្រាលំបាកនេះ ។ ពួកគេបានបោះជំហានទៅមុខទៀតដោយចាប់យកឱកាសសម្រាប់ការងារបម្រើដើម្បីស្រឡាញ់និងយកចិត្តទុកដាក់ចំពោះអ្នកដែលខ្វះខាត ។
ដេរ៉េក អូ ជាគណៈប្រធានស្តេកកៅឡុន ខាងលិចនៃសាសនាចក្រ បានមាននិយាយថា« យើងបានផ្តល់ម៉ាស់ និងទឹកអាល់កុលលាងដៃដល់សមាជិកវ័យចំណាស់មួយចំនួនក៏ដូចជាសមាជិកដែលអសកម្មផងដែរ» ។ « ពួកគេមានអារម្មណ៍កក់ក្តៅនៅពេលយើងផ្តល់ជំនួយជាសម្ភារៈទាន់ពេលហើយបានកោតសរសើរដែលពួកយើងដែលនៅតែចងចាំពួកគេនិងថែរក្សាពួកគេ ។ វីរុសនេះអាចញែកយើងដាច់ដោយឡែកពីគ្នា ប៉ុន្តែតាមរបៀបខ្លះវាធ្វើឲ្យយើងកាន់តែជិតស្និទ្ធនឹងគ្នាទៅវិញ » ។
ដោយសារឥទ្ធិពលនៃវីរ៉ុសកូរ៉ូណាបន្តរីករាលដាលដល់ប្រទេសផ្សេងៗទៀត អែលឌើរអាឡិនជេនដែលជាក្រុមចិតសិបនាក់ប្រចាំតំបន់របស់សាសនាចក្រនៅហុងកុងបានផ្តល់ជាផ្តល់យោបល់ ដូចខាងក្រោមដើម្បីរក្សាសេចក្តីជំនឿនិងពង្រឹងគ្នាទៅវិញទៅមក ។
ការងារបម្រើ
- សូមផ្ញើសារដែលលើកស្ទួយតាមរយៈ WhatsApp ឬកម្មវិធីផ្សេងទៀតដើម្បីភ្ជាប់ទំនាក់ទំនងជាមួយគ្រួសារដទៃទៀត ។ ការហៅទូរសព្ទនឹងមានប្រយោជន៍ ជាពិសេសសម្រាប់អ្នកដែលមិនចេះប្រើឧបករណ៍បច្ចេកវិទ្យាច្រើន ។
- យកចិត្តទុកដាក់ជាពិសេសចំពោះសមាជិកវ័យចំណាស់ស្ត្រីមេម៉ាយនិងសមាជិកដែលអាចបាត់បង់ការងារដោយសារការផ្ទុះវីរុសនេះ ។
- សូមស្វែងរកអ្នកដែលត្រូវការជំនួយបន្ថែមទាំងនោះនិងផ្តល់ការងារបម្រើតាមសមស្រប ។
- សូមរៀបចំការប្រជុំក្រុមប្រឹក្សាតាមអ៊ិនធើរណែតជាទៀងទាត់ដើម្បីពិភាក្សានិងជួយដល់ក្រុមគ្រួសារដែលខ្វះខាត ។
សិក្សាព្រះគម្ពីរនៅគេហដ្ឋាន
- សូមកំណត់ពេលវេលាទៀងទាត់ដើម្បីសិក្សា « ចូរមកតាមខ្ញុំ »ហើយធ្វើសកម្មភាពក្នុងថ្ងៃឈប់សម្រាកសមស្របផ្សេងទៀតនៅថ្ងៃអាទិត្យ ។
- សូមភ្ជាប់ទំនាក់ទំនងរវាងយុវជននិងយុវនារីក្នុងការសិក្សាដំណឹងល្អនៅថ្ងៃអាទិត្យតាមរយៈកម្មវិធីតាមអ៊ីនធើរណែតនិងលើកទឹកចិត្តពួកគេឲ្យប្រើកម្មវិធីសាសនាចក្រថ្មី« Living » ។
- សូមរៀបចំការពិភាក្សាដំណឹងល្អជាក្រុមតូចៗតាមរយៈការធ្វើសន្និសីទវីដេអូនិងអញ្ជើញពួកមជ្ឈិមវ័យនៅលីវឬគ្រួសារដែលមានសមាជិកខ្លះៗចូលរួម ។
- សូមផ្ញើរសារដោយប្រើគេហទំព័រFacebookសាខា / វួដដើម្បីផ្សាយនូវគំនិតខាងវិញ្ញាណការលើកស្ទួយ ។
- សូមប្រើឲ្យបានល្អនូវកម្មវិធីបច្ចេកវិទ្យាផ្សេងៗដើម្បីចូលរួមជាមួយសមាជិកក្នុងការពិភាក្សាមេរៀនថ្ងៃអាទិត្យនិងចែករំលែកយោបល់និងគំនិតរបស់ពួកគេ ។