គណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានចែកចាយសារលិខិតដូចខាងក្រោមអំពីសន្និសីទទូទៅខែតុលា ឆ្នាំ ២០២០ ជាមួយនឹងសមាជិកសាសនាចក្រគ្រប់ទីកន្លែង ។
បងប្អូនប្រុសស្រីជាទីស្រឡាញ់ ៖
ខណៈដែលតំបន់មួយចំនួនក្នុងពិភពលោកបន្តរងផលប៉ះពាល់នៃជំងឺរាតត្បាតធ្ងន់ធ្ងរ នោះតំបន់ផ្សេងទៀតអាចពុំមានបញ្ហានេះទេ ។ក្នុងនាមជាអង្គការមួយនៅទូទាំងពិភពលោក យើងមានកាតព្វកិច្ចមួយដើម្បីធ្វើជាពលរដ្ឋល្អ ហើយត្រូវតែមានការប្រុងប្រយ័ត្នចំពោះព្រឹត្តិការណ៍ដ៏វិសេសវិសាលមួយដូចជាសន្និសីទទូទៅនេះ ដែលជាទំនៀមទម្លាប់បាននាំភ្ញៀវរាប់ពាន់នាក់មកពីជុំវិញសាកលលោកទៅកាន់ទីក្រុងសលត៍ លេក ។
ដោយសារយើងខ្វល់ខ្វាយពីសុខភាព និងសុវត្ថិភាពរបស់មនុស្សដទៃផ្សេងទៀត យើងបានសម្រេចចិត្តថា សន្និសីទទូទៅខែ តុលា ឆ្នាំ២០២០ នឹងធ្វើតាមលំនាំដូចគ្នានឹងសន្និសីទដែលបានធ្វើឡើងនៅខែមេសាឆ្នាំនេះ ។ សម័យប្រជុំទូទៅនានានឹងត្រូវបានចាក់ផ្សាយតាមធម្មតា ។ ទោះជាយ៉ាងក្ដី សម័យប្រជុំទូទៅនានានឹងពុំបើកជូនសាធារណជនឡើយ ។
ព័ត៌មានលម្អិតបន្ថែមទៀតស្ដីពីសន្និសីទទូទៅ ដែលបានកំណត់កាលបរិច្ឆេទសម្រាប់ថ្ងៃទី ៣ និងទី៤ ខែតុលា ឆ្នាំ២០២០ នឹងត្រូវបានចែកជូន នៅពេលណាដែលវាបានវាត្រូវរៀបចំចប់សព្វគ្រប់ ។
យើងសូមអធិស្ឋានថា ពរជ័យដ៏ល្អបំផុតរបស់ព្រះអម្ចាស់នឹងកើតមានដល់បងប្អូន ។
ដោយសេចក្ដីស្មោះស្ម័គ្រ
គណៈប្រធានទីមួយ