ថ្នាក់សិក្ខាសាលា និងថ្នាក់វិទ្យាស្ថានសាសនានៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានប្រកាសពីការផ្លាស់ប្តូររបស់ថ្នាក់សិក្ខាសាលាក្នុងឆ្នាំ ២០២១ រួមទាំងការបញ្ចូលជាមួយកម្មវិធី«ចូរមកតាមខ្ញុំ» បន្ថែមទៀត និង លក្ខខណ្ឌថ្មីក្នុងការអានដើម្បីទទួលបានក្រេឌីតសម្រាប់វគ្គសិក្សា ។
បញ្ចូលកម្មវិធី ‹ចូរមកតាមខ្ញុំ› បន្ថែម
សេចក្តីជូនដំណឹង ចុះថ្ងៃទី ១៥ ខែធ្នូ ឆ្នាំ ២០២០ ថ្លែងថាចាប់ពីថ្ងៃទី ០១ខែ មករាឆ្នាំ ២០២១ តទៅជាជាងការធ្វើតាមកម្មវិធីសិក្សារយៈពេល៩ខែតាមកាលវិភាគសិក្សាសម្រាប់កម្មវិធីសិក្សាថ្នាក់សិក្ខាសាលា នីមួយៗ សិស្សនឹងសិក្សាវគ្គសិក្សាដូចគ្នា នឹងកម្មវិធី « ចូរមកតាមខ្ញុំ» សម្រាប់រយៈពេលពេញមួយឆ្នាំ ។ នៅក្នុងឆ្នាំ២០២១ សិស្សថ្នាក់សិក្ខាសាលានិងសិក្សា គោលលទ្ធិ និង សេចក្តីសញ្ញា ជាមួយនឹងសាសនាចក្រទាំងមូល ។
គ្រូនឹងប្រើ សៀវភៅសិក្សាសម្រាប់គ្រូបង្រៀនគោលលទ្ធិនៃដំណឹងល្អ គោលលទ្ធិ និង សេចក្ដីសញ្ញា និង ប្រវត្តិសាសនាចក្រ ដែលមានសម្រាប់ជាឯកសារមេរៀន ។ សិស្សនឹងមិនទទួលគ្រប់មេរៀនពីសៀវភៅ សិក្សាសម្រាប់គ្រូបង្រៀននៅក្នុងថ្នាក់ទេ ជាពិសេសគឺមេរៀនទាំងឡាយ នៅ ពេលសាលាឈប់វិស្សមកាល ។
លក្ខខណ្ឌក្នុងការអានផ្លាស់ប្តូរ
ចាប់ផ្តើមនៅថ្ងៃទី ០១ខែមករាឆ្នាំ ២០២១ផងដែរ ដើម្បីទទួលបានក្រេឌីតសម្រាប់វគ្គសិក្សាថ្នាក់សិក្ខាសាលាសិស្សត្រូវអានព្រះគម្ពីរដែលត្រូវសិក្សាក្នុងឆ្នាំនេះយ៉ាងតិច ៧៥% នៃថ្ងៃក្នុងប្រតិទិនប្រចាំឆមាស ។
សេចក្តីជូនដំណឹងថ្លែងថា «ការផ្លាស់ប្តូរនេះសង្កត់ធ្ងន់ទៅលើ ចំនុចសំខាន់សម្រាប់សិស្សដើម្បីអភិវឌ្ឍន៍ទម្លាប់នៃការសិក្សាព្រះគម្ពីរប្រចាំថ្ងៃ ដើម្បីជួយឲ្យមានការយល់ដឹងនិង ការទុកចិត្តលើព្រះយេស៊ូវ គ្រីស្ទ ការបង្រៀន និងដង្វាយធួនរបស់ទ្រង់កាន់តែខ្លាំង » ។
ប្រធាន រ័សុល អិម ណិលសុន បានបង្រៀន « នៅពេលយើងព្យាយាមធ្វើជាសិស្សរបស់ព្រះយេស៊ូវគ្រីស្ទ នោះការខិតខំស្ដាប់ទ្រង់របស់យើងគឺចាំបាច់ត្រូវមានដោយបំណងពិតកាន់តែខ្លាំងឡើង ។ វាត្រូវការការខិតខំដោយមនសិកា និងខ្ជាប់ខ្ជួនដើម្បីបំពេញជីវិតប្រចាំថ្ងៃរបស់យើងដោយព្រះបន្ទូលរបស់ទ្រង់ ការបង្រៀនរបស់ទ្រង់ និងសេចក្ដីពិតរបស់ទ្រង់ ។ …ការជ្រមុជទៅក្នុងព្រះបន្ទូលនៃព្រះជាប្រចាំថ្ងៃ គឺសំខាន់សម្រាប់ជីវិតខាងវិញ្ញាណ ជាពិសេសនៅក្នុងគ្រាដែលមានចលាចលកាន់តែខ្លាំងនេះ ។ នៅពេលយើងទទួលទានព្រះបន្ទូលនៃព្រះគ្រីស្ទជាប្រចាំថ្ងៃ ព្រះបន្ទូលនៃព្រះគ្រីស្ទនឹងប្រាប់យើងអំពីរបៀបដើម្បីឆ្លើយតបទៅនឹងការលំបាក ដែលយើងពុំធ្លាប់គិតថាយើងនឹងជួបនោះ » ។ («ចូរស្តាប់តាមទ្រង់ចុះ»សន្នីសីទទូទៅខែមេសា ឆ្នាំ ២០២០) ។
តើឳពុកម្តាយអាចជួយរបៀបណា
ឪពុកម្តាយអាចជួយគាំទ្រកូនៗរបស់ពួកគេដែលកំពុងសិក្សាថ្នាក់សិក្ខាសាលាតាមរយៈ ៖
- ការជួយពួក គេរៀបចំ និងរក្សាគោលដៅការសិក្សាព្រះគម្ពីរប្រចាំថ្ងៃឲ្យបានសមរម្យនិងមានអត្ថន័យ ដែលសមស្របទៅតាមសេចក្តីត្រូវការនិងសមត្ថភាពរបស់ពួកគេ ។
- ត្រូវសួរពីបទពិសោធន៍ របស់ពួកគេអំពីការសិក្សាព្រះគម្ពីរឲ្យបានទៀងទាត់ ។
- សូមផ្ដល់ឱកាសឲ្យអ្នក កូនរបស់អ្នកនិងសមាជិកគ្រួសារដទៃទៀតអាចថ្លែង ទីបន្ទាល់ពីអ្វីដែលអ្នកកំពុងរៀននិងមានអារម្មណ៍អំពីព្រះយេស៊ូវ គ្រីស្ទនិងដំណឹងល្អរបស់ទ្រង់ ។
- ការលើកទឹកចិត្តឲ្យពួកគេមានទំនួលខុសត្រូវតាមរយៈការតាមដានលើការសិក្សាព្រះគម្ពីរផ្ទាល់ខ្លួន ក្នុងកម្មវិធី ថ្នាក់សិក្ខាសាលា និងថ្នាក់វិទ្យាស្ថាន (Google ឬ iOS)ឬវិធីសាស្ត្រថតចម្លងផ្សេងទៀត ។