សន្និសីទទូទៅនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយគឺជាព្រឹត្តិការណ៍ពាក់កណ្ដាលឆ្នាំដែលព្យាការី សាវក និងថ្នាក់ដឹកនាំផ្សេងទៀតក្នុងសាសនាចក្រចែកចាយសារលិខិតដែលផ្ដោតលើព្រះគ្រីស្ទស្ដីពីសេចក្ដីស្រឡាញ់ និងសេចក្ដីសង្ឃឹម ។ សន្និសីទលើកទី១៩១ ដែលប្រព្រឹត្តទៅនៅថ្ងៃទី៤-៥ ខែមេសា ឆ្នាំ២០២១ គឺមានតែឌីជីថលប៉ុណ្ណោះ ហើយត្រូវបានចាក់ផ្សាយចេញពីវិសាលដ្ឋានព្រះវិហារបរិសុទ្ធក្នុងទីក្រុងសលត៍ លេក ។ ទំព័រនេះរំលេចនូវការបង្រៀនក្នុងសន្និសីទនេះ ។
សម័យប្រជុំបព្វជិតភាពថ្ងៃសៅរ៍
ដើម្បីទស្សនាសម័យប្រជុំថ្ងៃសៅរ៍ទាំងស្រុង សូមចុចនៅត្រង់នេះ ។
.JPG)
ប្រធាន រ័សុល អិម ណិលសុន ជាប្រធានសាសនាចក្របានធ្វើសុន្ទរកថាបើកកម្មវិធីដោយគូសបញ្ជាក់ពីការដឹកនាំរបស់ព្រះអម្ចាស់ចំពោះសាសនាចក្រ — ទោះជានៅអំឡុងការរាតត្បាតជំងឺកូវីដ-១៩ ទូទាំងពិភពលោកក្តី ។
មេរៀនមួយចំនួនដែលខ្ញុំបានដឹងពីមុន បានចារទុកក្នុងដួងចិត្តខ្ញុំតាមរបៀបណែនាំថ្មី ។ លោកបានមានប្រសាសន៍ថា « ព្រះអម្ចាស់ដឹកនាំកិច្ចការក្នុងសាសនាចក្ររបស់ទ្រង់—ទោះជាក្នុងពេលមានជំងឺរាតត្បាតទូទាំងពិភពលោកក្ដី » ។
លោកបានបន្តថា « បងប្អូនប្រុសស្រីជាទីស្រឡាញ់ កម្លាំងនៃសាសនាចក្រនេះស្ថិតលើការប្រឹងប្រែង និងទីបន្ទាល់ដែលរីកចម្រើនឥតឈប់ឈររបស់សមាជិកទាំងឡាយ » ។ « ទីបន្ទាល់ទាំងឡាយដុះដាលបានល្អបំផុតនៅក្នុងគេហដ្ឋាន » ។
អែលឌើរ ឌៀថើរ អេស្វ អុជដូហ្វ បានបង្រៀនថា « ព្រះនៅក្នុងចំណោមពួកយើង » ហើយបានប្រាស្រ័យទាក់ទងដោយផ្ទាល់នៅក្នុងជីវិតរបស់កូនចៅរបស់ទ្រង់ ដោយការដឹកនាំពួកគេយ៉ាងសកម្ម ។ លោកបានមានប្រសាសន៍ថា « សូមបើកចិត្តបងប្អូនចំពោះព្រះអង្គសង្គ្រោះ និងព្រះប្រោសលោះរបស់យើង មិនថាបងប្អូនស្ថិតក្នុងកាលៈទេសៈណាទេ មិនថាការសាកល្បង ការរងទុក្ខ ឬកំហុសអ្វីឡើយ ។ បងប្អូនអាចដឹងថា ទ្រង់មានព្រះជន្មរស់ ថាទ្រង់ស្រឡាញ់បងប្អូន ហើយដោយសារតែទ្រង់ នោះបងប្អូននឹងមិនឯកោសោះ ឡើយ » ។
ប្រធាន ចយ ឌី ចូនស៍ បានគូសបញ្ជាក់ពីការសន្ទនាចាំបាច់ដ៏សាមញ្ញអំពីដំណឹងល្អអាចដឹកនាំកុមារឲ្យដឹងពីអ្វីដែលពួកគេជឿ និងពីហេតុផលដែលពួកគេជឿវា ។ គាត់បានមានប្រសាសន៍ថា « សូមកុំឲ្យភាពងាយស្រួលនៃឧបករណ៍អេឡិចត្រូនិកបង្វែរយើងពីការបង្រៀន និងការស្តាប់កូនៗរបស់យើង និងមើលកែវភ្នែករបស់ពួកគេឡើយ » ។
បងប្រុស ជេន អ៊ី នូមែន បានផ្ដោតលើការបង្រៀនតាមរបៀបរបស់ព្រះអង្គសង្គ្រោះ ។ លោកបានមានប្រសាសន៍ថា « ដើម្បីបានជីវិតផ្លាស់ប្តូរពិតប្រាកដ ការប្រែចិត្តជឿលើព្រះយេស៊ូវគ្រីស្ទត្រូវតែមានការចូលរួមពីព្រលឹងយើងទាំងមូល ហើយជ្រាបចូលគ្រប់ផ្នែកនៃជីវិតរបស់យើង » ។
អែលឌើរ ហ្គែរី អ៊ី ស្ទីវ៉ែនសុន បានបង្រៀនថា សេចក្ដីសប្បុរសគឺជាគោលការណ៍ព្យាបាលគ្រឹះមួយនៃដំណឹងល្អ ។ លោកបានមានប្រសាសន៍ថា « ព្រះអម្ចាស់រំពឹងឲ្យ [ ពួកបរិសុទ្ធថ្ងៃចុងក្រោយ ] បង្រៀនថា ការរាប់អានគឺជាមធ្យោបាយវិជ្ជមានមួយដែលឆ្ពោះទៅរកសាមគ្គីភាព ហើយការមិនរាប់អានគ្នានោះ នាំទៅរកការឈ្លោះទាស់ទែងគ្នា » ។
ដោយដកស្រង់ការអញ្ជើញរបស់ព្រះអង្គសង្គ្រោះទៅកាន់មនុស្សទាំងអស់ឲ្យប្រែក្លាយដូចជាទ្រង់ នោះ អែលឌើរ ហ្គែរីឌ ដបុលយូ ហ្គង បានសូមឲ្យពួកបរិសុទ្ធថ្ងៃចុងក្រោយធ្វើឲ្យផ្ទះសំណាក់របស់ព្រះគ្រីស្ទ — សាសនាចក្ររបស់ទ្រង់ — ក្លាយជាទីជម្រកមួយសម្រាប់មនុស្សទាំងអស់ឲ្យរួចផុតពីព្យុះភ្លៀងជីវិត ។ « យើងរៀបចំខ្លួនសម្រាប់ការយាងមកជាលើកទីពីរដែលបានសន្យារបស់ទ្រង់ កាលណារាល់ថ្ងៃយើងធ្វើចំពោះ ‹ អ្នកតូចបំផុត › ដូចជាយើងនឹងធ្វើចំពោះទ្រង់ ។ ‹ អ្នកដែលតូចបំផុត › គឺយើងម្នាក់ៗ » ។
ប្រធាន ហិនរី ប៊ី អាវរិង បានលើកទឹកចិត្តសមាជិកសាសនាចក្រឲ្យបង្កើតបំណងប្រាថ្នារបស់ខ្លួនដើម្បីមានភាពស័ក្ដិសម ហើយត្រៀមខ្លួនជាស្រេចចំពោះឱកាសដ៏ច្រើនសម្រាប់បទពិសោធន៍ព្រះវិហារបរិសុទ្ធដែលនឹងមកដល់ ។ លោកបានមានប្រសាសន៍ថា « ព្រះវិហារបរិសុទ្ធគឺជាទីបរិសុទ្ធដែលវិវរណៈកើតឡើងដល់យើងយ៉ាងងាយ ប្រសិនបើដួងចិត្តរបស់យើងបើកទទួលយក ហើយយើងមានភាពស័ក្ដិសមដើម្បីចូលព្រះវិហារបរិសុទ្ធនោះ » ។
ប្រធាន អិម រ័សុល បាឡឺដ បានថ្លែងអំពីសមាជិកនៅលីវក្នុងសាសនាចក្រ « ដែលមានចំនួនជាងពាក់កណ្ដាលនៃពួកមជ្ឈិមវ័យក្នុងសាសនាចក្រសព្វថ្ងៃនេះ » ។
លោកបានមានប្រសាសន៍ថា « មនុស្សមួយចំនួនខ្វល់ខ្វាយពីឱកាស និងទីតាំងរបស់ខ្លួននៅក្នុងផែនការរបស់ព្រះ និងក្នុងសាសនាចក្រនេះ ។ យើងគួរតែយល់ថា ជីវិតដ៏អស់កល្បមិនមែនគ្រាន់តែជាសំណួរមួយអំពីស្ថានភាពអាពាហ៍ពិពាហ៍បច្ចុប្បន្ននោះទេ ប៉ុន្ដែពីភាពជាសិស្ស និងការមានចិត្ត ‹ ក្លាហានក្នុងទីបន្ទាល់ពីព្រះយេស៊ូវ › » ( គោលលទ្ធិ និង សេចក្ដីសញ្ញា ៧៦:៧៩ ) ។
លោកបានបន្តថា ថ្នាក់ដឹកនាំស្ដេក និងវួដគួរតែអំពាវនាវដល់សមាជិកនៅលីវ « ឲ្យបម្រើ លើកស្ទួយ និងបង្រៀន » ។
អែលឌើរ ជែហ្វ្រី អ័រ ហូឡិន បានកត់សម្គាល់ថា នៅសព្វថ្ងៃនេះ វិបត្តិ ទំនាស់ និងអស្ថេរភាពជាទូទៅមានច្រើន ។
អែលឌើរ ហូឡិន បានថ្លែងទីបន្ទាល់ថាឧបករណ៍ដែលចាំបាច់ដើម្បី « បង្កើតថ្ងៃដ៏ភ្លឺស្វាង »អាចរកបាននៅក្នុងដំណឹងល្អនៃព្រះយេស៊ូវគ្រីស្ទ ។ « យើងមិនអាច— ពិភពលោកនេះក៏មិនអាច—បរាជ័យក្នុងការដាក់គោលការណ៏នៃដំណឹងល្អ និងការការពារសេចក្តីសញ្ញាឲ្យប្រើប្រាស់ពេញលេញក្នុងជីវិតយើងនោះទេ » ។
អែលឌើរ ឌែល ជី រ៉ង់ឡាន់ បានថ្លែងអំពី « កំហឹងចំពោះភាពអយុត្តិធម៌ » នៃពិភពលោកនេះ ប៉ុន្តែបានថ្លែងទីបន្ទាល់ថា « នៅក្នុងភាពអស់កល្បជានិច្ច ព្រះវរបិតាសួគ៌ និងព្រះយេស៊ូវគ្រីស្ទនឹងដោះស្រាយភាពអយុត្តិធម៌ទាំងអស់ » ។
អែលឌើរ នែល អិល អាន់ឌើរសិន បានថ្លែងទីបន្ទាល់ថា ដំណើរនៃបុត្រម្នាក់ៗរបស់ព្រះមិនបានចាប់ផ្ដើមនៅពេល« ខ្យល់ដង្ហើមដំបូងដែលចូលក្នុងសួត » របស់ពួកគេនោះទេ ហើយវាក៏នឹងមិនបញ្ចប់នៅពេលពួកគេដកដង្ហើមចុងក្រោយក្នុងជីវិតរមែងស្លាប់នេះដែរ ។ « ចូរយើងស្វាគមន៍ [ កូនចៅវិញ្ញាណម្នាក់ៗនៃព្រះ ] ការពារពួកគេ ហើយស្រឡាញ់ពួកគេជានិច្ច ។
ប្រធាន ណិលសុន បានអញ្ជើញមនុស្សគ្រប់រូបឲ្យ « បន្តនៅលើផ្លូវនៃសេចក្ដីសញ្ញា » ហើយធ្វើតាមព្រះអង្គសង្គ្រោះ ។ ចំពោះអ្នកដែលបានដើរចេញពីផ្លូវនេះ សូមត្រឡប់មកវិញ ។ នៅក្នុងសាសនាចក្ររបស់ព្រះអម្ចាស់មាននូវកន្លែងមួយសម្រាប់មនុស្សគ្រប់គ្នា ។ អែលឌើរ ហ៊ោរហេ ធី ប៊ីស៊ីរ៉ា បានថ្លែង « នៅក្នុងវួដ និងសាខានីមួយៗយើងត្រូវការមនុស្សគ្រប់គ្នា – អ្នកទាំងឡាយដែលរឹងមាំ និងអ្នកដែលមានបញ្ហា ។ មនុស្សទាំងអស់គឺចាំបាច់ ហើយសំខាន់ចំពោះការកសាងព្រះកាយទាំងមូលរបស់ព្រះគ្រីស្ទ » ។
កាល អែលឌើរ ធារី ឃេ មូតូមបូ នៅក្មេង លោកបានរស់នៅជាមួយនឹងគ្រួសារនៅក្នុងផ្ទះមួយដែល « តូច ហើយស្ថិតនៅកន្លែងងងឹត » ។ បន្ទាប់ពីជួបនឹងពួកអ្នកផ្សព្វផ្សាយសាសនា និងបានទទួលពិធីបុណ្យជ្រមុជទឹក នោះគ្រួសារគាត់បានសម្របខ្លួនទៅនឹងរចនាបទជីវិតមួយថ្មីដែលផ្ដោតលើដំណឹងល្អនៃព្រះយេស៊ូវគ្រីស្ទ និង « បានក្លាយជាគ្រួសារមួយយ៉ាងពិតប្រាកដ » ។
លោកបានមានប្រសាសន៍ថា « ព្រះយេស៊ូវគ្រីស្ទគឺជាពន្លឺដែលយើងគួរតែលើកឡើង ទោះជានៅគ្រាងងឹតនៃជីវិតរមែងស្លាប់របស់យើងក្ដី ( នីហ្វៃទី ៣ ១៨:២៤ ) ។ នៅពេលយើងជ្រើសរើសធ្វើតាមព្រះគ្រីស្ទ នោះយើងជ្រើសរើសដើម្បីផ្លាស់ប្ដូរ » ។
នៅក្នុងសុន្ទរកថាបិទសម័យប្រជុំរបស់លោក ប្រធាន ណិលសុន បានចែកចាយមេរៀនសំខាន់ចំនួនបួនសម្រាប់អ្នកស្ដាប់ទូទាំងពិភពលោក ៖
- គេហដ្ឋានគឺជាទីនៃសេចក្តីជំនឿ និងការថ្វាយបង្គំ ។
- យើងត្រូវការគ្នាទៅវិញទៅមក ។
- កូរ៉ុមបព្វជិតភាពរបស់បងប្អូនគឺមានន័យលើសពីការប្រជុំធម្មតាទៅទៀត ។
- យើងស្តាប់ឮព្រះយេស៊ូវគ្រីស្ទបានកាន់តែប្រសើរ ពេលយើងនៅស្ងប់ស្ងាត់ ។
លោកបានថ្លែងថា « អនាគតមានភាពភ្លឺស្វាងសម្រាប់រាស្ត្រនៃសេចក្តីសញ្ញារបស់ព្រះ » ។ « ព្រះអម្ចាស់នឹងអំពាវនាវដល់ពួកអ្នកបម្រើទ្រង់ដែលមានភាពស័ក្តិសម ដែលកាន់បព្វជិតភាពឲ្យប្រសិទ្ធពរ លួងលោម និងពង្រឹងមនុស្សគ្រប់គ្នា ហើយជួយរៀបចំពិភពលោកនេះ និងមនុស្សក្នុងពិភពលោកនេះសម្រាប់ការយាងមកជាលើកទីពីររបស់ទ្រង់ » ។
ប្រធាន ដាល្លិន អេក អូក បានថ្លែងទីបន្ទាល់ថា ព្រះអង្គសង្គ្រោះដែលមានព្រះជន្មរស់ឡើងវិញបានធ្វើអ្វីៗគ្រប់យ៉ាងដែលចាំបាច់សម្រាប់ដំណើរមួយដ៏ជោគជ័យឆ្លងកាត់ជីវិតរមែងស្លាប់ និងសេចក្ដីសង្គ្រោះដ៏នៅអស់កល្បជានិច្ច ។
លោកបានថ្លែងថា « ព្រះអង្គសង្គ្រោះរបស់យើងបានស្ម័គ្រព្រះទ័យមកដកពិសោធន៍រាល់ការឈឺចាប់ និងទុក្ខព្រួយក្នុងជីវិតរមែងស្លាប់ទាំងអស់ ដើម្បីទ្រង់អាចដឹងពីរបៀបសង្គ្រោះ ឬពង្រឹងយើង កាលដែលយើងមានទុក្ខលំបាក ។ព្រះយេស៊ូវគ្រីស្ទបានធ្វើអ្វីៗទាំងអស់នេះ ពីព្រោះទ្រង់ស្រឡាញ់កូនទាំងអស់របស់ព្រះ » ។
ប្រធាន អាវរិង បានបង្រៀនថា បព្វជិតភាពត្រូវបានប្រទានឲ្យដោយសេចក្ដីស្រឡាញ់— ហើយថាព្រះអម្ចាស់ប្រទានពរដល់ការបម្រើដែលធ្វើឡើងនៅក្នុងព្រះនាមរបស់ទ្រង់ ។
« ការខិតខំ ហើយនិងការលើកតម្កើងការងារបព្វជិតភាពរបស់បងប្អូនមានសារៈសំខាន់ចំពោះទ្រង់ ពីព្រោះទ្រង់ស្រឡាញ់បងប្អូន ហើយទ្រង់ទុកចិត្តបងប្អូនដើម្បីផ្ដល់ពរជ័យដល់មនុស្សទាំងឡាយដែលទ្រង់ស្រឡាញ់ក្នុងព្រះនាមទ្រង់ » ។
អែលឌើរ ឃ្វីនធិន អិល ឃុក បានពិភាក្សាអំពីតួនាទីជាអ្នកគង្វាលចៀមដែលប៊ីស្សពដើរតួនៅក្នុងជីវិតមនុស្សដែលពួកគាត់បម្រើ ជាពិសេសយុវវ័យនៅក្នុងសាសនាចក្រ ។
លោកបានថ្លែងថា « [ ប៊ីស្សព ] បងប្អូនអាចធ្វើការអញ្ជើញដ៏មានអានុភាពដើម្បីផ្លាស់ប្ដូរអាកប្បកិរិយា រៀបចំពួកគេសម្រាប់ជីវិត ហើយបំផុសគំនិតពួកគេឲ្យបន្ដនៅលើផ្លូវនៃសេចក្ដីសញ្ញានេះ » ។
អែលឌើរ អេស ហ្គីហ្វត និលសិន បានលើកទឹកចិត្តពួកអ្នកស្ដាប់ឲ្យមើលឃើញខ្លួនឯងដូចដែលព្រះវរបិតាសួគ៌បានទតឃើញពួកគេ ។
លោកបានសួរថា « តើបងប្អូនធ្លាប់គិតថាការស្រឡាញ់ខ្លួនឯងជាបទបញ្ញត្តិមួយដែរឬទេ ? « តើយើងពិតជាអាចស្រឡាញ់ព្រះ និងស្រឡាញ់បុត្រាបុត្រីរបស់ទ្រង់ទេ ប្រសិនបើយើងពុំស្រឡាញ់ខ្លួនយើងផងនោះ ? »
បងប្រុស អាម៉េឌ អេស ខ័របីត បានសួរដល់យុវជនក្នុងសាសនាចក្រពីរបៀបដែលពួកគេអាច « ដាស់ជំនឿដ៏មហិមារបស់បងប្អូនទៅលើព្រះគ្រីស្ទ » ហើយប្រើវាដើម្បីប្រមូលផ្ដុំសាសន៍អ៊ីស្រាអែល ។
លោកបានថ្លែងថា « ទ្រង់បានប្រើព្រះគម្ពីរមរមន និងពួកព្យាការីដើម្បីបង្រៀនយើងពីរបៀបទាំងនោះ » ។
ដើម្បីទស្សនាសម័យប្រជុំថ្ងៃសៅរ៍ទាំងស្រុង សូមចុចនៅត្រង់នេះ ។