គណៈប្រធានទីមួយនៃ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានផ្ញើ លិខិតដូចខាងក្រោម នៅថ្ងៃនេះ ថ្ងៃទី ២៧ ខែកក្កដា ឆ្នាំ២០២១ ទៅកាន់ថ្នាក់ដឹកនាំសាសនានៅជុំវិញពិភពលោក ។
បងប្អូនប្រុសស្រីជាទីស្រឡាញ់ ៖
គោលការណ៍គ្រឹះមួយនៃដំណឹងល្អរបស់ព្រះយេស៊ូវគ្រីស្ទគឺជាពរជ័យនៃការមានវិវរណៈជាបន្តបន្ទាប់ ដែលព្រះអម្ចាស់បើកសម្តែងព្រះឆន្ទៈទ្រង់ « ប្រាប់មួយបន្ទាត់ម្តងៗ មួយសិក្ខាបទម្ដងៗ ឯណេះបន្តិច ឯណោះបន្តិច » ( គោលលទ្ធិ និងសេចក្តីសញ្ញា ១២៨:២១ ) ។ ព្រះអម្ចាស់ដឹកនាំកិច្ចការរបស់ទ្រង់ ស្របតាមការផ្លាស់ប្តូរកាលៈទេសៈ និងសេចក្តីត្រូវការ ។ ជាឧទាហរណ៍ ទម្រង់ និងកាលវិភាគសន្និសីទទូទៅ ត្រូវបានផ្លាស់ប្តូរអស់ជាច្រើនដងក្នុងរយៈពេលជាច្រើនឆ្នាំ ។ សម័យប្រជុំខ្លះនៃសន្និសីទទូទៅគឺត្រូវបានរៀបចំឡើងសម្រាប់ក្រុមជាក់លាក់នៃសមាជិក ឬ ថ្នាក់ដឹកនាំ ដូចជាសម័យប្រជុំសុខុមាលភាព សម័យប្រជុំរបស់ស្រ្តី សម័យប្រជុំបព្វជិតភាព និងសម័យប្រជុំផ្សេងៗទៀត ដែលបានរៀបចំឡើងដើម្បីលើកឡើងពីប្រធានបទនានាដែលពាក់ព័ន្ធនឹងអង្គការជាក់លាក់នៃសាសនាចក្រ ។
នៅក្នុងខែមិថុនា ឆ្នាំ២០២១ យើងបានប្រកាសការផ្លាស់ប្តូរ ចំពោះសន្និសីទទូទៅលើកក្រោយដែលសម័យប្រជុំល្ងាចថ្ងៃសៅរ៍នឹងលែងមានទៀតហើយ ។ ការសម្រេចចិត្តនេះត្រូវបានធ្វើឡើងដោយផ្អែកលើការផ្លាស់ប្តូរផ្នែកបច្ចេកវិទ្យាដែលធ្វើឲ្យសមាជិកនិងមិត្តភក្តិទាំងអស់អាចមើលសម័យប្រជុំនីមួយៗនៃសន្និសីទទូទៅ រួមបញ្ចូលទាំងសម័យប្រជុំស្រ្តី និងសម័យប្រជុំបព្វជិតភាពផងដែរ ។
យើងទទួលស្គាល់នូវការកើនឡើងនៃចំននសមាជិកសាសនាចក្រជាសកលនៅក្នុងជំនាន់របស់យើងនេះដែលកំពុងប្រឈមមុខនឹងឧបសគ្គនានា ។ មធ្យោបាយដ៏សំខាន់មួយដើម្បីពង្រឹងតតាំងនឹងឧបសគ្គទាំងនេះបានមកតាមរយៈការស្តាប់តាមព្រះបន្ទូលនៃព្រះ ( សូមមើល អាលម៉ា ៣១:៥ ) ។ ដូច្នេះបន្ទាប់ពីការសិក្សា និងការអធិស្ឋានបន្ថែម យើងបានទទួលអារម្មណ៍បញ្ជាក់ថាឲ្យបន្ទប្រារព្ធសម័យប្រជុំល្ងាចថ្ងៃសៅរ៍នៃសន្និសីទទូទៅ » ។
ចាប់ផ្តើមពីសន្និសីទទូទៅពាក់កណ្តាលឆ្នាំខែ តុលា ឆ្នាំ២០២១ សម័យប្រជុំល្ងាចថ្ងៃសៅរ៍នឹងបន្តធ្វើជាធម្មតា ។ សមាជិក និងមិត្តភក្តិទាំងអស់នៃសាសនាចក្រត្រូវបានអញ្ជើញឲ្យទស្សនាសម័យប្រជុំនេះ ។ សម័យប្រជុំនេះនឹងមិនមានកំណត់ប្រធានបទទេ ហើយក៏មិនមានបំណងសម្រាប់ប្រជាសាស្ត្រ ឬ ក្រុមថ្នាក់ដឹកនាំណាជាក់លាក់ដែរ ។ ការប្រារព្ធសម័យប្រជុំនេះនឹងអនុញ្ញាតឲ្យមានការបង្រៀនប្រធានបទដំណឹងល្អច្រើនថែមទៀត ហើយក៏អនុញ្ញាតឲ្យមានថ្នាក់ដឹកនាំទូទៅច្រើនថែមទៀតដើម្បីថ្លែងសុន្ទរកថាក្នុងសន្និសីទនេះផងដែរ ។
យើងសូមអរព្រះគុណព្រះអម្ចាស់សម្រាប់ការដឹកនាំរបស់ទ្រង់ក្នុងបញ្ហានេះ ។ យើងសូមបង្ហាញនូវសេចក្តីស្រឡាញ់ និងការថ្លែងអំណរគុណយ៉ាងជ្រាលជ្រៅចំពោះសមាជិកសាសនាចក្រដ៏ស្មោះត្រង់នៅទូទាំងសកលលោក និងរង់ចាំដល់សន្និសីទទូទៅ ជាពេលដែលព្រះបន្ទូលរបស់ព្រះអម្ចាស់នឹងត្រូវបានចែកចាយតាមរយៈអ្នកមប្រើរបស់ទ្រង់ ។
ដោយសេចក្ដីស្មោះស្ម័គ្រ
គណៈប្រធានទីមួយ
រ័សុល អិម ណិលសុន
ដាល្លិន អេក អូក
ហិនរី ប៊ី អាវរិង