គណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានផ្ញើសារលិខិតដូចខាងក្រោមទៅកាន់សមាជិកសាសនាចក្រនៅជុំវិញពិភពលោក កាលពីថ្ងៃព្រហស្បត្តិ៍ ទី ១២ ខែ សីហា ឆ្នាំ ២០២១ កន្លងទៅនេះ ៖
បងប្អូនប្រុសស្រីជាទីស្រឡាញ់ ៖
យើងឃើញថាខ្លួនយើងកំពុងធ្វើសង្គ្រាមប្រឆាំងនឹងការបំផ្លិចបំផ្លាញនៃជំងឺកូវីដ-១៩ និងការប្រែប្រួលនៃជំងឺនេះ ដែលជាជំងឺរាតត្បាតដ៏កាចសាវហាវ ។ យើងចង់ធ្វើអ្វីៗឲ្យអស់ពីលទ្ធភាពរបស់យើងដើម្បីបញ្ឈប់ការរីករាលដាលនៃមេរោគទាំងនេះ ។ យើងដឹងថាការការពារពីជំងឺនេះអាចធ្វើទៅបានតែតាមរយៈការចាក់ថ្នាំបង្ការឲ្យប្រជាជនឲ្យបានច្រើនបំផុតប៉ុណ្ណោះ ។
ដើម្បីកុំឲ្យប៉ះពាល់នឹងមេរោគទាំងនេះ យើងសូមជម្រុញឲ្យពាក់ម៉ាស់នៅក្នុងកិច្ចប្រជុំសាធារណៈ នៅពេលដែលពុំអាចរក្សាគម្លាតសង្គមបាន ។ ដើម្បីផ្តល់ការការពារផ្ទាល់ខ្លួនពីការឆ្លងមេរោគធ្ងន់ធ្ងរបែបនេះ យើងសូមជម្រុញឲ្យបុគ្គលម្នាក់ៗចាក់វ៉ាក់សាំង ។ ថ្នាំវ៉ាក់ស៊ាំងដែលដាក់ឲ្យប្រើប្រាស់ត្រូវបានធានាថាមានទាំងសុវត្ថិភាព និងប្រសិទ្ធភាព ។
យើងអាចយកឈ្នះលើសង្រ្គាមនេះបាន ប្រសិនបើមនុស្សគ្រប់គ្នានឹងធ្វើតាមអនុសាសន៍ដ៏ឈ្លាសវៃ និងចេះគិតគូររបស់គ្រូពេទ្យជំនាញ និងថ្នាក់ដឹកនាំរាជរដ្ឋាភិបាលនោះ ។ សូមទទួលសេចក្តីស្រឡាញ់ និងការព្រួយបារម្ភដ៏ស្មោះសររបស់យើងខ្ញុំចំពោះកូនចៅរបស់ព្រះទាំងអស់ ។
គណៈប្រធានទីមួយ
រ័សុល អិម ណិលសុន
ដាល្លិន អេក អូក
ហែនរី ប៊ី អាវរិង