សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានចាប់ដំណើរការគំនិតផ្ដួចផ្ដើមប្រចាំឆ្នាំរបស់ខ្លួនសម្រាប់ពិធីបុណ្យគ្រីស្ទម៉ាស់ស្ដីពីបំភ្លឺពិភពលោក ដើម្បី« បំភ្លឺពិភពលោកដោយសេចក្ដីស្រឡាញ់ »ដែលជាប្រធានបទសម្រាប់ឆ្នាំនេះ ។
អែលឌើរ ម៉ាកឺស ប៊ី ណាស្សជាពួកចិតសិបនាក់ដែលមានសិទ្ធិអំណាចទូទៅ បានថ្លែងថា « ព្រះយេស៊ូវគ្រីស្ទគឺជាពន្លឺនៃពិភពលោកនេះ » ។ « អស់អ្នកដែលដើរតាមទ្រង់រស់នៅជាមួយនឹងពន្លឺ អំណរ និងសេចក្ដីសង្ឃឹម—ទោះស្ថិតនៅក្នុងគ្រាដ៏ងងឹតក្ដី( យ៉ូហាន ៨:១២ ) ។ នៅពេលយើងចងចាំពីការប្រសូតរបស់ទ្រង់នារដូវបុណ្យគ្រីស្ទម៉ាស់នេះ ចូរឲ្យយើងចងចាំពីព្រះជន្មដ៏គំរូរបស់ទ្រង់ និងរឿងដែលទ្រង់បានបង្រៀនយើងផងដែរ » ។
អែលឌើរ ណាស បានបន្ថែមថា « យើងអាចលើកពន្លឺរបស់ទ្រង់ឡើងដោយធ្វើអ្វីដែលទ្រង់បានធ្វើគឺ ៖ ស្រឡាញ់ព្រះ និងស្រឡាញ់អ្នកជិតខាងរបស់យើងដោយលើកស្ទួយបុគ្គលដែលទន់ខ្សោយ ជួយបំពេញសេចក្ដីត្រូវការអ្នកដែលខ្វះខាត និងលួងលោមអ្នកដែលឈឺចាប់ » ។ « ការធ្វើបែបនេះនឹងបណ្ដាលឲ្យពន្លឺរបស់ទ្រង់ភ្លឺចែងចាំងនៅក្នុង និងតាមរយៈខ្លួនយើង ហើយនាំយកពន្លឺ និងសេចក្ដីសុខសាន្តទៅកាន់មនុស្សម្នាក់ម្ដងៗដែលរស់នៅក្នុងពិភពលោកដ៏ច្របូកច្របល់របស់យើងនេះ ។ យើងសូមអញ្ជើញមនុស្សគ្រប់រូប—នៅគ្រប់ទីកន្លែង—ឲ្យចូលរួមនឹងយើងក្នុងការសាទរចំពោះការប្រសូតរបស់ទ្រង់ ហើយបំភ្លឺពិភពលោកនេះដោយសេចក្ដីស្រឡាញ់ » ។
ប្រតិទិនដែលមានពេញដោយ« គំនិតសម្រាប់ការបម្រើ »ត្រូវបានដាក់ឲ្យប្រើប្រាស់នៅលើអនឡាញ ។ ការបម្រើដ៏បំផុសប្រចាំថ្ងៃចាប់ផ្ដើមពីថ្ងៃទី១ ខែធ្នូ ហើយបន្តសម្រាប់រយៈពេល ២៥ថ្ងៃរហូតដល់ថ្ងៃបុណ្យគ្រីស្ទម៉ាស់ ។
សម្រាប់ព័ត៌មានបន្ថែម រួមទាំងវីដេអូថ្មីអំពីប្រសូតកម្មសម័យទំនើបត្រូវបានដាក់បង្ហាញជាពិសេសនៅ ComeUntoChrist.org/kh