គណៈប្រធានតំបន់អាស៊ីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយត្រូវបានរៀបចំឡើងវិញនៅថ្ងៃទី ១ ខែសីហា ឆ្នាំ២០២២ ដោយស្ថិតក្រោមការដឹកនាំបន្តពីអែលឌើរ ដាវីត ភី. ហូមមើរ ជាប្រធានតំបន់ អែលឌើរ បេនយាមីន អឹម. ហ្សឹត. តៃ ជាទីប្រឹក្សាទីមួយថ្មី និងអែលឌើរ ខេលី អរ ចនសុន ជាទីប្រឹក្សាទីពីរថ្មី ។
ការផ្លាស់ប្តូរធ្វើឡើងក្រោយពីការត្រឡប់ទៅវិញរបស់អែលឌើរ ភីតធើ អេហ្វ មើស៍ និងភរិយារបស់លោក មែស៍ស៊ីន ទៅកាន់តំបន់ប៉ាស៊ីហ្វិក ។ អែលឌើរ ចនសុន និងភរិយារបស់លោក តេរី មកពីសហរដ្ឋ ប៉ុន្តែពុំមែនជាមនុស្សផ្សេងនោះទេដោយសារលោកធ្លាប់បានបម្រើជាអ្នកដឹកនាំបេសសកម្មនៅក្នុងប្រទេសថៃកាលពីមុនមកហើយ ។
អែលឌើរ ចនសុន ត្រូវបានគាំទ្រជាពួកចិតសិបដែលមានសិទ្ធិអំណាចទូទៅនៅថ្ងៃទី៤ ខែមេសា ឆ្នាំ២០២០ ។ នៅគ្រានៃការហៅរបស់លោក លោកបានបម្រើជាពួកចិតសិបនាក់ប្រចាំតំបន់ និងជាសមាជិកនៃកូរ៉ុមទីប្រាំនៃពួកចិតសិបនាក់នៅតំបន់ យូថាហ៍ ។ លោកបានបម្រើនៅក្នុងគណៈប្រធានតំបន់អាមេរិកខាងជើងភាគឦសាននាពេលថ្មីៗនេះ ។
តំបន់អាស៊ីរួមមានប្រទេស និងដែនដីចំនួនម្ភៃពីរ ដែលមានចំនួនប្រជាជនស្មើនឹងពាក់កណ្តាលនៃចំនួនប្រជាជនរបស់ពិភពលោក ។ សមាជិកនៃគណៈប្រធានតំបន់អាស៊ីពង្រឹងដល់ បំពាក់បំប៉ន និងលើកទឹកចិត្តដល់សមាជិកសាសនាចក្រ ថ្នាក់ដឹកនាំ និងអ្នកផ្សាយសាសនាទូទាំងភូមិភាគ ។
គណៈប្រធានតំបន់បានមានប្រសាសន៍ថា « យើងបានចាត់ទុកវាគឺជាឯកសិទ្ធមួយដែលបានបម្រើ និងថ្វាយបង្គំជាមួយនឹងប្រជាជន ភាសា និងវប្បធម៌ចម្រុះបែបនេះ » ។ « យើងសូមបញ្ជាក់ឡើងវិញនូវសារលិខិតរបស់ព្យាការី និងប្រធានជាទីស្រឡាញ់របស់យើងគឺប្រធាន រ័សុល អិម ណិលសុន ដែលថាកូនចៅរបស់ព្រះម្នាក់ៗសមនឹងមានឱកាសស្ដាប់ ហើយទទួលយកសារលិខិតនៃការព្យាបាល និងការប្រោសលោះរបស់ព្រះយេស៊ូវគ្រីស្ទ ។ នោះគឺជាសារលិខិតមួយដែលពេញដោយក្តីសង្ឃឹមពិត » ។