អ្វីដែលយើងកំពុងស្វែងរក ៖
- រូបភាព Meme ច្បាប់ដើម ដែលនាំយកការបង្រៀន តួអង្គ និងដំណើររឿងនៅក្នុងព្រះគម្ពីរមរមនមកក្នុងជីវិត ។ មិនថាវាជាការបត់បែនពីការបង្រៀនសម័យបុរាណមកបែបទំនើប ឬការផ្ដោតលើដំណើររឿងព្រះគម្ពីរ ឬការឆ្លុះបញ្ចាំងលើការបង្រៀនរបស់ព្រះគម្ពីរនោះទេ គឺយើងចង់ឃើញស្នាដៃនោះទាំងអស់ !
- បញ្ចេញភាពច្នៃប្រឌិត ៖ ការដាក់បញ្ជូនគឺគ្មានចំនួនកំណត់នោះទេ ។ អ្នកអាចដាក់បញ្ជូនរូបភាព Meme មួយ ដប់ ឬច្រើនជាងនេះក៏បាន ។ ចូរឲ្យការស្រមើលស្រមៃរបស់អ្នកដុះរីកដូចផ្សិត !
គោលការណ៍ណែនាំ ៖
- ប្រកបដោយការគោរព និងវិជ្ជមាន ៖ ខណៈដែលយើងលើកទឹកចិត្តឲ្យមានភាពច្នៃប្រឌិត និងកំប្លុកកំប្លែង ក៏វាសំខាន់ផងដែរថា រាល់ការដាក់បញ្ជូនទាំងអស់គួរតែគោរពដល់លក្ខណៈពិសិដ្ឋនៃព្រះគម្ពីរមរមន ហើយឆ្លុះបញ្ចាំងជាវិជ្ជមានពីការបង្រៀនរបស់ព្រះគម្ពីរមរមនផងដែរ ។
- ប្រភពដើម ៖ សូមប្រាកដថា រូបភាព Meme របស់អ្នកគឺជាច្បាប់ដើម និងមិនបំពានលើការរក្សាសិទ្ធិ ឬនិក្ខិត្តសញ្ញាណាមួយឡើយ ។
- គុណភាព ៖ ការដាក់បញ្ជូនគួរតែច្បាស់ ងាយយល់ និងសមរម្យសម្រាប់ទស្សនិកជនទូទៅ ។
របៀបចូលរួម ៖
១. បង្កើតរូបភាព Meme របស់អ្នក ៖ ចូរប្រើសុសវែរ ឬកម្មវិធីណាមួយដែលអ្នកជ្រើសរើសដើម្បីបង្កើតរូបភាព Meme របស់អ្នក ។ ត្រូវប្រាកដថាវាគោរពតាមគោលការណ៍ណែនាំដែលបានផ្តល់ឲ្យ ។
២. ដាក់បញ្ជូនរូបភាព Meme របស់អ្នក ៖ សូមដាក់បញ្ជូនការរចនារូបភាព Meme របស់អ្នកដោយផ្ទាល់ទៅកាន់ [ អ៊ីមែល ] នៅទីនេះ ។ សូមបញ្ចូលឈ្មោះពេញរបស់អ្នក សាខា/វួដរបស់អ្នក និងព័ត៌មានទំនាក់ទំនងរបស់អ្នក ។
៣. ពេលវេលាកំណត់ការដាក់បញ្ជូន ៖ ថ្ងៃទី ៣១ ខែ ឧសភា ឆ្នាំ ២០២៤ ។ ត្រូវប្រាកដថារូបភាព Meme របស់អ្នក ត្រូវបានដាក់បញ្ជូនមកមុនពេលកំណត់ !
ការជ្រើសរើស និងការទទួលស្គាល់ ៖
- រូបភាព Meme ដែលគួរឲ្យចាប់អារម្មណ៍ ផ្ដល់ចំណេះដឹង និងច្នៃប្រឌិតបំផុត នឹងត្រូវបានជ្រើសរើសឲ្យបង្ហាញ និងប្រើប្រាស់ជាផ្លូវការនៅទូទាំងបណ្តាញប្រព័ន្ធផ្សព្វផ្សាយសង្គមរបស់សាសនាចក្រនៅក្នុងតំបន់អាស៊ី ។
- នេះគឺជាឱកាសដ៏អស្ចារ្យមួយដើម្បីចែកចាយទស្សនៈ ជំនឿ និងទីបន្ទាល់របស់អ្នកតាមរបៀបដ៏ពិសេស និងមិនអាចបំភ្លេចបាននេះ ។
សិទ្ធិ និងការប្រើប្រាស់ ៖
អ្នកច្នៃប្រឌិតយល់ព្រមចុះហត្ថលេខាលើ « អាជ្ញាប័ណ្ណគ្មានព្រំដែនលើកិច្ចការច្នៃប្រឌិត » ដើម្បីផ្តល់សិទ្ធិ និងអាជ្ញាប័ណ្ណគ្មានព្រំដែនដល់សាសនាចក្រ ដូចដែលបានបង្ហាញនៅក្នុងឯកសារ « អាជ្ញាប័ណ្ណគ្មានព្រំដែនលើកិច្ចការច្នៃប្រឌិត » ។