នៅថ្ងៃអង្គារ៍ គណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានជួបនឹងគណៈប្រតិភូមួយក្រុមដែលបានដឹកនាំដោយគណៈកម្មាការទទួលបន្ទុកកិច្ចការសាសនារបស់ប្រទេសវៀតណាម ( គ.ក.ស. ) ។ គណៈប្រតិភូបានធ្វើទស្សនកិច្ចនៅរដ្ឋយូថាហ៍ពីថ្ងៃអង្គារ៍រហូតដល់ថ្ងៃព្រហស្បតិ៍ដើម្បីជួបនឹងថ្នាក់ដឹកនាំសាសនាចក្រ ថ្នាក់ដឹកនាំរដ្ឋាភិបាល ថ្នាក់ដឹកនាំសាសនា និងថ្នាក់ដឹកនាំផ្នែកអប់រំ ។ ក្រុមគណៈប្រតិភូបានធ្វើទស្សនកិច្ចនៅបណ្ណាល័យពង្សប្រវត្តិរបស់សាសនាចក្រ វិសាលដ្ឋានសុខុមាលភាព មជ្ឈមណ្ឌលមនុស្សធម៌ ឃ្លាំងកណ្ដាលរបស់ប៊ីស្សព និងសាកលវិទ្យាល័យព្រិកហាំ យ៉ង់ ។
អែលឌើរ ជែរិត ដបុលយូ ហ្កង ក្នុងកូរ៉ុមនៃពួកសាវកដប់ពីរនាក់ ដែលបានអមដំណើរគណៈប្រតិភូអំឡុងដំណើរទស្សនកិច្ចជាមួយនឹងគណៈប្រធានទីមួយ បានមានប្រសាសន៍ថា « យើងមានទំនាក់ទំនងសហប្រតិបត្តិការយូរអង្វែងជាមួយនឹងគណៈកម្មាការទទួលបន្ទុកកិច្ចការសាសនា និងមន្ត្រីរដ្ឋាភិបាលដទៃទៀតនៅប្រទេសវៀតណាម » ។ « យើងសូមកោតសរសើរចំពោះទំនាក់ទំនងទាំងនោះដែលកំពុងបន្ត និងកាន់តែស៊ីជម្រៅជាមួយនឹងដំណើរទស្សនកិច្ចរបស់គណៈប្រតិភូដ៏សំខាន់នេះ » ។
សមាជិកគណៈប្រតិភូ រួមមាន លោក វូ ឈៀន ថាង ( ប្រធាន គ.ក.ស. ) លោក ង្វៀន ហ៊ូ ទួន ( ក្រសួងមហាផ្ទៃ ) លោក ង្វៀន ឌុក វិញ ( ប្រធាននាយកដ្ឋានទំនាក់ទំនងផ្ទៃក្នុងរបស់ គ.ក.ស. ) លោក ង្វៀន ផុង ធិញ ( ប្រធាននាយកដ្ឋានរដ្ឋបាល-ស្ថិតិរបស់ គ.ក.ស. ) និង លោក ដោ ហ៊ុយ ជួង ( អ្នកឯកទេសក្នុងនាយកដ្ឋានប្រូតេស្ដង់របស់ គ.ក.ស. ) ។
ជារួម គ.ក.ស. មានការទទួលខុសត្រូវសំខាន់មួយចំនួន រួមមាន តួនាទីជាភ្នាក់ងាររដ្ឋាភិបាលសំខាន់សម្រាប់ត្រួតពិនិត្យ ហើយអនុម័តរាល់សកម្មភាពសាសនានៅក្នុងប្រទេសវៀតណាម ។
ប្រធាន រ័សុល អិម ណិលសុន ប្រធានសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានថ្លែងអំណរគុណដល់គណៈប្រតិភូចំពោះការលើកកម្ពស់សេរីភាពខាងសាសនានៅក្នុងប្រទេសវៀតណាម ហើយបានបញ្ជាក់ពីសារៈសំខាន់នៃសេរីភាពនេះសម្រាប់ប្រទេសនានាជុំវិញពិភពលោក ។
គណៈប្រតិភូក៏បានពិភាក្សាគ្នាពីលក្ខណៈចាំបាច់នៃក្រុមគ្រួសាររឹងមាំចំពោះសង្គមជាតិផងដែរ ។
អែលឌើរហ្កងបានមានប្រសាសន៍ថា « ក្រុមគ្រួសាររឹងមាំធ្វើឲ្យប្រទេសរឹងមាំ ។ ការផ្ដោតលើគ្រួសារ និងគុណតម្លៃរបស់គ្រួសារគឺជាអ្វីមួយដែលបានចែកចាយយ៉ាងស៊ីជម្រៅពីសំណាក់ប្រជាជននៅក្នុងប្រទេសវៀតណាមនិងសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » ។
ប្រធាន ថាង បានថ្លែងអំណរគុណដល់សាសនាចក្រចំពោះសមាជិកដែលជាប្រជាពលរដ្ឋគោរពច្បាប់ និងចំពោះការរួមចំណែកជាវិជ្ជមានរបស់សាសនាចំពោះសង្គម និងប្រទេសវៀតណាម ។
2019年6月4日,羅素·納爾遜會長接受越南宗教事務委員會主席武戰勝先生贈禮。
手持罐頭食品者為越南宗教事務委員會主席武戰勝先生,他們參觀位於鹽湖城福利廣場上的本教會的主教倉庫。
2019年6月4日,越南宗教事務委員會代表團參觀鹽湖城的福利廣場。
2019年6月4日,越南宗教事務委員會代表團,在猶他州鹽湖城的福利廣場裝配衛生用品包。
2019年6月4日,越南宗教事務委員會主席武戰勝先生,在教會行政大樓與十二使徒定額組的江文漢長老會談。
2019年6月4日,十二使徒定額組的江文漢長老(坐在中間者)在教會行政大樓,與越南宗教事務委員會代表團會面。
2019年6月4日,越南宗教事務委員會代表團在約瑟·斯密紀念大樓,與十二使徒定額組江文漢老共進午餐。