នៅក្នុងបទគម្ពីរមាន ឧទាហរណ៍ពិសិដ្ឋតិចតួចណាស់ ដែលនៅក្នុងនោះព្រះបន្ទូលរបស់ព្រះជាព្រះបិតា ត្រូវបានឮ ដូច្នេះនៅពេលទ្រង់មានបន្ទូលពីអ្វីមួយ ត្រូវតែស្តាប់ ។ ម្តងហើយម្តងទៀតទ្រង់បានណែនាំដោយផ្ទាល់ដល់ ព្រះរាជបុត្រាស្ងួនភ្ងារបស់ព្រះអង្គគឺព្រះយេស៊ូគ្រីស្ទ ជាមួយនឹងការប្រកាសដោយជាក់លាក់ឲ្យ « ស្តាប់ទ្រង់ ! »
តើ អ្នក ធ្លាប់ បាន ឈប់ សួរ ថា « ហេតុអ្វី ? » ហេតុអ្វីបានជាព្រះវរបិតាសួគ៌យើងទទូច និងស្របតាមការសុំរបស់ទ្រង់ដែលយើងគួរតែ ស្តាប់ឮព្រះរាជបុត្រាស្ងួនភ្ងារបស់ព្រះអង្គគឺព្រះយេស៊ូវគ្រីស្ទ ?
ព្រះយេស៊ូវបានតបនិងសំណួរនេះដោយអង្គទ្រង់ផ្ទាល់ ។ ទ្រង់មានព្រះបន្ទូលថា« ខ្ញុំជាផ្លូវ ជាសេចក្តីពិត ហើយជាជីវិត៖ បើមិនមកតាមខ្ញុំនោះគ្មានអ្នកណាទៅឯព្រះវរបិតាបានឡើយ » ។
ព្រះវរបិតាយើងស្រឡាញ់យើងហើយមានបំណងចង់ឲ្យយើងម្នាក់ៗជ្រើសរើស ដើម្បីត្រឡប់ទៅកាន់វត្តមានដ៏បរិសុទ្ធរបស់ទ្រង់វិញ ។ ទ្រង់សុំយើងឲ្យស្តាប់ព្រះបន្ទូលរបស់ព្រះយេស៊ូវគ្រីស្ទ ដែលព្រះវរបិតាបានចាក់ប្រេងតាំងនិងតែងតាំង ជាអង្គសម្រុះសម្រួល ជាព្រះអង្គសង្គ្រោះនិងជាព្រះប្រោសលោះរបស់យើង ។
ក្នុងឆ្នាំពិសេសនេះនៅពេលយើងរឭកខួបលើកទី ២០០ឆ្នាំ នៃការទស្សនៈនិមិត្តដំបូង ខ្ញុំសូមអញ្ជើញអ្នកឲ្យគិតឲ្យបានជ្រៅនិងញឹកញាប់ អំពីសំណួរសំខាន់នេះ៖ តើអ្នក ស្តាប់ ទ្រង់យ៉ាងដូចម្តេច ? ខ្ញុំក៏សូមអញ្ជើញអ្នកឲ្យចាត់វិធានការដើម្បីស្តាប់ទ្រង់ឲ្យបានកាន់តែប្រសើរឡើងនិងញឹកញាប់ជាងមុន ។ ពេញមួយឆ្នាំនេះយើងនឹងផ្តោតលើវិធីពិសេសមួយលើព្រឹត្តិការណ៍ជាប្រវត្តិសាស្ត្រ ដែលបានកើតឡើងនៅក្នុងព្រៃពិសិដ្ឋ ។
ខ្ញុំសូមអញ្ជើញអ្នកឲ្យមានភាពសកម្មជាមុននិងមើលទៅហើយស្វែងរក ឱកាសដើម្បីចែករំលែកអារម្មណ៍របស់អ្នកអំពីព្រះអម្ចាស់ព្រះយេស៊ូវគ្រីស្ទ ជាមួយគ្រួសារនិងមិត្តភក្តិរបស់អ្នក ។ រួមទាំងការអញ្ជើញមិត្តភក្តិរបស់អ្នកឲ្យចូលរួមជាមួយអ្នក ក្នុងការថ្វាយបង្គំទ្រង់នៅថ្ងៃអាទិត្យ បុណ្យអ៊ីស្ទើរ ។
ឥឡូវនេះក្នុងនាមជាសាក្សីពិសេសម្នាក់របស់ព្រះអម្ចាស់ ខ្ញុំសូមជូនពរអ្នកនៅក្នុងការខិតខំរបស់អ្នកដើម្បីទទួលបាន ហើយស្ថិតនៅលើមាគ៌ានៃសេចក្តីសញ្ញារបស់ទ្រង់ ព្យាយាមអោយអស់ពីចិត្ត កម្លាំង គំនិត និងព្រលឹងដើម្បីស្តាប់ទ្រង់ !
ទាញយក
