គណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានចេញលិខិតដូចខាងក្រោមនៅថ្ងៃទី ១៦ ខែមេសា ឆ្នាំ ២០២០ ទៅកាន់សាសនាចក្រនៅទូទាំងសាកលលោក ។
យើងមានអំណរគុណចំពោះកិច្ចខិតខំរបស់បងប្អូនជាច្រើនដែលធ្វើតាមការដឹកនាំយ៉ាងយកចិត្តទុកដាក់មកពីថ្នាក់ដឹកនាំជាតិ រដ្ឋ និងថ្នាក់ដឹកនាំក្នុងមូលដ្ឋាននៅក្នុងប្រទេសជាច្រើនក្នុងការឆ្លើយតបទៅនឹងការរាតត្បាតនៃ កូវីត ១៩ ។ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺត្រូវធ្វើការប្រុងប្រយ័ត្នយ៉ាងត្រឹមត្រូវ ហើយផ្ដល់ជំនួយដល់អ្នកដែលខ្វះខាតផងដែរ ។
នៅក្រោមស្ថានភាពបច្ចុប្បន្ន និងនៅក្រោមស្ថានភាពដែលអាចមាននៅពេលអនាគត នោះសាសនាចក្រ និងសមាជិក នឹងបង្ហាញដោយស្មោះត្រង់នូវការតាំងចិត្តរបស់យើងដើម្បីធ្វើជាពលរដ្ឋល្អ និងអ្នកជិតខាងល្អ ។
លិខិតដែលភ្ជាប់ជាមួយនេះ គឺជាឯកសារដែលពន្យល់អំពីគោលការណ៍គ្រប់គ្រងសម្រាប់សាសនាចក្រអំឡុងគ្រាដែលមានឧបសគ្គ ។ ការដឹកនាំមានភ្ជាប់មកជាមួយសម្រាប់ពិធីបរិសុទ្ធចាំបាច់ ការប្រសិទ្ធពរ និងដំណើរការដទៃទៀតរបស់សាសនាចក្រដើម្បីដឹកនាំដល់ថ្នាក់ដឹកនាំក្នុងគ្រាមានវិបត្តិបច្ចុប្បន្ននេះ និងគ្រាដែលមានឧបសគ្គនៅពេលខាងមុខ ។
ឯកសារទាំងនេះត្រូវបានចេញមកឆ្លើយតបចំពោះការរំខានដល់ដំណើរការរបស់សាសនាចក្រ និងសកម្មភាពនានារបស់សមាជិកដែលបានបណ្ដាលមកពីការរាតត្បាតកូវីត ១៩ នៅទូទាំងពិភពលោក ។ ពួកគេគួរផ្ដល់ការណែនាំដរាបណាការរាតត្បាតនេះមាននៅក្នុងប្រទេស ឬភូមិភាគជាក់លាក់ ។ ការដឹកនាំដទៃទៀតអាចនឹងត្រូវចេញមកនៅពេលក្រោយ ។
ដោយសេចក្ដីស្មោះស្ម័គ្រ
គណៈប្រធានទីមួយ