ការទទួលខុសត្រូវរបស់អ្នកប្រឹក្សាផ្នែកព្រះវិហារបរិសុទ្ធ និងពង្សប្រវត្តិ
ដូចបានចែងក្នុងវគ្គផ្សេងទៀត អ្នកនឹងទទួលខុសត្រូវលើការសម្របសម្រួលកិច្ចខិតខំរបស់អ្នកប្រឹក្សាផ្នែកព្រះវិហារបរិសុទ្ធ និងពង្សប្រវត្តិប្រចាំវួដរបស់អ្នក ។ ដើម្បីធ្វើកិច្ចការនេះប្រកបដោយប្រសិទ្ធភាព អ្នកគួរតែមានការយល់ដឹងច្បាស់លាស់អំពីការទទួលខុសត្រូវរបស់អ្នកប្រឹក្សា ដែលរួមមានដូចតទៅនេះ ៖
ជួយបុគ្គលម្នាក់ៗ និងក្រុមគ្រួសារឲ្យស្វែងរកបុព្វការីជនរបស់ពួកគេ ហើយប្រមូលឈ្មោះសម្រាប់ពិធីបរិសុទ្ធនៅក្នុងព្រះវិហារបរិសុទ្ធ ។
ជួយសមាជិកឲ្យរៀបចំខ្លួនទៅកាន់ព្រះវិហារបរិសុទ្ធ ហើយអាចចូលរួមក្នុងការណែនាំ សកម្មភាព និងការធ្វើដំណើរទៅកាន់ព្រះវិហារបរិសុទ្ធ ។
ចូលរួមការប្រជុំសម្របសម្រួលផ្នែកព្រះវិហារបរិសុទ្ធ និងពង្សប្រវត្តិ ។
ផ្ដល់បទពិសោនធ៍ពង្សប្រវត្តិ ដល់មនុស្សដទៃ ជាពិសេសដល់អស់អ្នកដែលកំពុងរៀនដំណឹងល្អ សមាជិកថ្មី និងសមាជិកដែលត្រឡប់មកវិញ ហើយនឹងកុមារ ព្រមទាំងយុវវ័យដែលរៀបចំខ្លួនដើម្បីទទួលបានបណ្ណចូលព្រះវិហារបរិសុទ្ធដែលមានកំណត់ការប្រើប្រាស់ ។
នៅពេលដែលបានចាត់តាំង សូមបម្រើនៅក្នុងមជ្ឈមណ្ឌលពង្សប្រវត្តិក្នុងមូលដ្ឋាន ។
