គោលបំណងនៃការប្រជុំសម្របសម្រួល
ដើម្បីជួយសម្របសម្រួលដល់កិច្ចការព្រះវិហារបរិសុទ្ធ និងពង្សប្រវត្តិ អ្នកអាចដឹកនាំការប្រជុំសម្របសម្រួលផ្នែកព្រះវិហារបរិសុទ្ធ និងពង្សប្រវត្តិសម្រាប់វួដមួយ ។ ការប្រជុំនេះនឹងធ្វើឡើងជាទៀងទាត់ ហើយដាក់បញ្ចូលនូវការអនុវត្តផែនការសម្រាប់ផ្នែកព្រះវិហារបរិសុទ្ធ និងពង្សប្រវត្តិ ។
អ្នកចូលរួមរួមមាន ៖
- អ្នកប្រឹក្សាយោបល់ខាងព្រះវិហារបរិសុទ្ធ និងពង្សប្រវត្តិប្រចាំវួដ ។
- សមាជិកមួយរូបនៃគណៈប្រធានសមាគមសង្គ្រោះ និងសមាជិកមួយរូបនៃគណៈប្រធានកូរ៉ុមអែលឌើរនឹងចូលរួមឲ្យបានញឹកញាប់តាមកាលៈទេសៈអំណោយផលឲ្យ ។
- ពួកអ្នកផ្សព្វផ្សាយសាសនាអាចត្រូវបានអញ្ជើញឲ្យចូលរួមម្តងម្កាលផងដែរ ។
ដោយមានផែនការកិច្ចការព្រះវិហារបរិសុទ្ធ និងពង្សប្រវត្តិប្រចាំវួដដ៏សាមញ្ញ និងច្បាស់លាស់មួយ ការប្រជុំសម្របសម្រួលនេះមិនគួរធ្វើយូរឡើយ ហើយអស់អ្នកដែលចូលរួមអាចផ្ដោតលើការជួយមនុស្ស ។ ពេលខ្លះ វាអាចនឹងមិនចាំបាច់ដើម្បីធ្វើការប្រជុំដោយផ្ទាល់ឡើយ ។ ការសម្របសម្រួលក៏អាចធ្វើទៅបានតាមរយៈការផ្ញើសារ អ៊ីម៉ែល ការហៅទូរសព្ទ និងតាមវិធីផ្សេងទៀត ។
« ការមានមនុស្សដ៏លះបង់មួយក្រុមមកប្រជុំគ្នា បង្កើតឲ្យមានសេចក្ដីសាទរដល់កិច្ចការ ហើយជួយឲ្យថ្នាក់ដឹកនាំវួដនឹកចាំក្នុងចិត្ត កាលពួកគេជួយសមាជិកវួដទាំងឡាយ » ។
ឌែល ជី រ៉េនឡាន់ សេចក្ដីណែនាំថ្នាក់ដឹកនាំស្ដីពីព្រះវិហារបរិសុទ្ធ និងពង្សប្រវត្តិ ខែ កុម្ភៈ ឆ្នាំ ២០១៩
