ការទទួលខុសត្រូវរបស់អ្នកដឹកនាំផ្នែកព្រះវិហារបរិសុទ្ធ និងពង្សប្រវត្តិ
ក្នុងនាមជាអ្នកដឹកនាំផ្នែកព្រះវិហារបរិសុទ្ធ និងពង្សប្រវត្តិម្នាក់ អ្នកទទួលខុសត្រូវលើការសម្របសម្រួលកិច្ចខិតខំផ្នែកព្រះវិហារបរិសុទ្ធ និងពង្សប្រវត្តិប្រចាំវួដ ។ អ្នកបម្រើនៅក្រោមការដឹកនាំពីគណៈប្រធានកូរ៉ុមអែលឌើរ ។ នៅក្នុងស្ថានភាពមួយចំនួន អ្នកអាចត្រូវបានណែនាំឲ្យរាយការណ៍ដោយផ្ទាល់ទៅប៊ីស្សព ។
ទីប្រឹក្សាជាន់ខ្ពស់ដែលបានចាត់តាំងលើផ្នែកព្រះវិហារបរិសុទ្ធ និងពង្សប្រវត្តិប្រចាំស្ដេក ក៏អាចផ្ដល់ការណែនាំអំពីការទទួលខុសត្រូវរបស់អ្នកផងដែរ ដែលរួមមានដូចតទៅនេះ ៖
សម្របសម្រួលកិច្ចការងារព្រះវិហារបរិសុទ្ធ និងពង្សប្រវត្តិប្រចាំវួដ ដែលរួមមានការបង្កើត និងការអនុវត្តផែនការសម្រាប់ព្រះវិហារបរិសុទ្ធ និងពង្សប្រវត្តិប្រចាំវួដ ។
ចូលរួមការប្រជុំក្រុមប្រឹក្សាវួដ នៅពេលមានការអញ្ជើញ ។
ដឹកនាំការប្រជុំសម្របសម្រួលកិច្ចការព្រះវិហារបរិសុទ្ធ និងពង្សប្រវត្តិប្រចាំវួដ ហើយដឹកនាំកិច្ចការរបស់អ្នកប្រឹក្សាផ្នែកព្រះវិហារបរិសុទ្ធ និងពង្សប្រវត្តិ ។ នៅក្រោមការដឹកនាំរបស់ប៊ីស្សព និងការធ្វើការជាមួយនឹងគណៈប្រធានកូរ៉ុមអែលឌើរ សូមចាត់តាំងអ្នកប្រឹក្សាខាងព្រះវិហារបរិសុទ្ធ និងពង្សប្រវត្តិឲ្យបម្រើនៅតាមមជ្ឈមណ្ឌលពង្សប្រវត្តិតាមការចាំបាច់ ។
ដឹកនាំកិច្ចការក្នុងការជួយសមាជិកឲ្យរៀបចំខ្លួនសម្រាប់ព្រះវិហារបរិសុទ្ធ និងរៀបចំការណែនាំ សកម្មភាព និងការធ្វើដំណើរទៅកាន់ព្រះវិហារបរិសុទ្ធ ។
សម្របសម្រួលជាមួយនឹងសមាជិកក្នុងក្រុមប្រឹក្សាវួដ អ្នកដឹកនាំបេសកកម្មវួដ និងអ្នកផ្សព្វផ្សាយសាសនាពេញម៉ោង ដើម្បីផ្ដល់បទពិសោនធ៍ពង្សប្រវត្តិ ជាពិសេសដល់អស់អ្នកដែលកំពុងរៀនដំណឹងល្អ សមាជិកថ្មី និងសមាជិកដែលត្រឡប់មកវិញ ហើយនិងកុមារ ព្រមទាំងយុវវ័យដែលរៀបចំខ្លួនដើម្បីទទួលបានបណ្ណចូលព្រះវិហារបរិសុទ្ធដែលមានកំណត់ការប្រើប្រាស់ ។
